बॉलीवूड अभिनेत्री मौनी रॉय(Mouni Roy) हिनं नवरा सूरज नांबियारसोबतचे होळी सेलिब्रेशनचे काही फोटो शेअर केलेयत. ते दोघेही त्यांच्या घरात धुळवड साजरी करताना दिसत आहेत. दोघांनीही पांढरे शुभ्र कपडे घातले आहेत. ज्यात मौनीनं पांढऱ्या रंगाचा चुडीदार तर सूरजनं कुर्ता-पजामा घातला आहे. फोटोत त्यांचा लाडका कुत्राही धुळवड साजरी करताना दिसत आहे.
एका फोटोत मौनी आणि सूरजचे हात रंगानं माखलेले दिसत आहेत. तर एका फोटोत मौनी सूरजच्या गालाला लाल गुलाल लावताना दिसत आहे. तर एका फोटोत ती सूरजच्या पायाला गुलाल लावताना दिसत आहे. ही पोस्ट शेअर करत मौनीनं चाहत्यांना होळीच्या शुभेच्छाही दिल्या आहेत. मौनीच्या या पोस्टवर अनेक बॉलीवूड सेलिब्रिटींपासून तिच्या चाहत्यांपर्यंत सगळ्यांनी तिला लग्नाननंतरच्या पहिल्या होळी सेलिब्रेशनसाठी शुभेच्छा दिल्या आहेत. मौनी नेहमीच जे सेलिब्रेशन करते त्याला परंपरेचा साज असतो. मग तिच्या लग्नातील सोहळ्यांपासून आताच्या होळी सेलिब्रेशन पर्यंत साऱ्याच गोष्टीत तिनं ती परंपरा जपलेली दिसत आहे.
तिचा नवरा सूरज नांबियारनं देखील होळी सेलिब्रेशनचे फोटो शेअर करत लिहिलंय,''माझी खास मैत्रिण आणि माझं प्रेम. जगातला सगळ्यात लकी माणूस आहे मी''. असं कॅप्शन त्यानं दिलेलं आहे. मौनीचे होळी सेलिब्रेशनचे हे फोटो सोशल मीडियावर नेटकऱ्यांच्या पसंतीस उतरले आहेत. तर सारेच तिनं जपलेल्या परंपरेचं कौतूकही करत आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.