Moushumi Chatterjee : 'मी तुम्हाला काय जया बच्चन वाटले का? तिच्यासारखी...' प्रसिद्ध अभिनेत्री मौसमी चॅटर्जी काय बोलून गेल्या?

Moushumi Chatterjee Take A Dig When Paparazzi : हिंदी चित्रपट विश्वातील प्रसिद्ध अभिनेत्री मौसमी चॅटर्जी या आता वेगळ्या कारणामुळे चर्चेत आल्या आहे. ८० ते ९० च्या दशकांत आपल्या चित्रपटानं आणि सौंदर्यानं चाहत्यांची पसंती मिळवणाऱ्या मौसमी चॅटर्जी यांनी जया बच्चन यांचे नाव घेतले आणि वेगळ्याच चर्चेला सुरुवात झाली आहे.

जया बच्चन यांना काय म्हटल्या मौसमी चॅटर्जी?

मौसमीजी या एका इव्हेंटमध्ये सहभागी झाल्या होत्या. यावेळी त्यांना कॅमेऱ्यात कैद करण्यासाठी फोटोग्राफर्सची लगबग सुरु होती. तेव्हा एकानं त्यांना जया बच्चन असे म्हणून हाक मारली. ते ऐकून मौसमी चॅटर्जी या नाराज झाल्या त्यांनी त्यावर दिलेली प्रतिक्रिया आता व्हिडिओमधून समोर आली आहे. मी जया बच्चनपेक्षा चांगली आहे. खरं तर तुम्ही लोकं आहात म्हणून आम्ही आहोत, तुम्ही नसता तर आम्ही कुठे गेलो असतो. अशा शब्दांत त्यांनी प्रतिक्रिया दिली आहे.

नेमकं घडलं तरी काय?

त्याचं झालं असं की, जया बच्चन या नेहमीच पापाराझ्झींमध्ये वेगवेगळ्या कारणामुळे लोकप्रिय असल्याचे दिसून आले आहे. पापाराझ्झींच्या बोलण्यावर आगपाखड केल्याचे जयाजी यांचे व्हिडिओही व्हायरल झाले आहेत. त्याला नेटकऱ्यांचा मोठा प्रतिसाद मिळाला आहे. जया बच्चन यांनी रागाच्या भरात अनेकदा फोटोग्राफर्सला सुनावल्याचे दिसून आले आहे. फोटोग्राफर्सचा बेशिस्तपणा सहन न करता त्यांना थेट सुनावणाऱ्या सेलिब्रेटींमध्ये जया बच्चन यांचे नाव घ्यावे लागेल.

जया बच्चन यांना नेहमीच त्या कारणामुळे ट्रोल केले जात असल्यानं त्या सोशल मीडियावर चर्चेचा विषय असतात. काही दिवसांपूर्वी जयाजी यांनी त्यांची नात नव्या नवेली नंदाच्या पॉडकास्टमध्ये पापाराझ्झी आणि त्यांचे वागणे यावरुन प्रतिक्रिया दिली होती. त्यात त्यांनी म्हटले होते की, पापाराझ्झी हे बऱ्याचदा त्यांची सभ्यतेची पातळी ओलांडतात.त्याचा सेलिब्रेटींना त्रास होतो हे त्यांच्या लक्षात येत नाही.