Jhalak Dikhhla Jaa 11: मुनव्वरनं हुमाची केली टिंगल अभिनेत्रीनंही दिलं जशास तसं उत्तर! 'तू तर...'

Munawar Faruqui jhalak Dikhhal Jaa 11 : टीव्ही मनोरंजन विश्वातील प्रसिद्ध रियॅलिटी शो झलक दिखला जा च्या अकराव्या सीझनचा ग्रँड सीझन नुकताच पार पडला.त्याला बॉलीवूडमधील प्रसिद्ध अभिनेत्री हुमा कुरेशी हजर होती. यावेळी बिग बॉसच्या १७ व्या सीझनचा विजेता मुनव्वर देखील उपस्थित होता. या सगळ्यात एका व्हिडिओनं नेटकऱ्यांचे लक्ष वेधून घेतले आहे.

मनीषा रानीनं यंदाच्या झलक दिखजा चे विजेतेपद मिळवून आपल्या नावाची वेगळी ओळख निर्माण केली आहे. बऱ्याच दिवसांपासून झलक दिखला जा ची चर्चा होती. अखेर त्याचा यंदाचा सीझन संपला असून त्यानं चाहत्यांचा निरोप घेतला आहे. या सगळ्यात शेवटच्या एपिसोडमध्ये चर्चा रंगली होती ती हुमा कुरेशी आणि मुनव्वर फारुखीची. त्यानं तिची टिंगल केल्याचे दिसून आले आहे.

मुनव्वरच्या प्रतिक्रियेवर हुमानं देखील त्याचे कान टोचले आहेत. त्याला असभ्य संबोधले आहे. तो व्हिडिओ वेगानं सोशल मीडियावर व्हायरल होताना दिसत आहे. मुनव्वरची कॉमेडी आणि त्याचं त्याबाबतचं टायमिंग हे अनेकांना माहिती आहे. स्टँड अप कॉमेडियनच्या माध्यमातून त्यानं स्वताच्या नावाची वेगळी छाप प्रेक्षकांच्या मनावर उमटवली आहे.

हुमा आणि हर्ष हे दोघे जण त्यांच्या आगामी एका कॉमेडी शो मॅडनेस मचाएंगे इंडिया को हसायंगे मध्ये दिसणार आहे. त्या शो च्या प्रमोशनसाठी ती झलक दिखला जा मध्ये आली होती. यावेळी मुनव्वर देखील त्याच्या हल्की हल्की सी बरसात नावाच्या म्युझिक व्हिडिओच्या प्रमोशनसाठी आला होता. मुनव्वरनं यावेळी झलक दिखल जा ११च्या सेटवरील काही फोटो आणि व्हिडिओ सोशल मीडियावर शेयर केले आहेत.

मुनव्वरनं त्या व्हिडिओमध्ये हुमाला उद्देशून म्हटले आहे की, काय जबरदस्त ट्रान्सफॉर्मेशन आहे....हुमाला वाटलं तो तिच्या वजनाविषयी बोलतो आहे. ती त्याला धन्यवाद म्हणते. पण तेव्हा मुनव्वर हे क्लिअर करतो की, मी तुमच्या सारख्या बॉलीवूडच्या अभिनेत्रीला टीव्ही शो मध्ये काम करावे लागते आहे याविषयी बोलतो आहे. याविषयी म्हटलं आहे. त्यानंतर हुमानं नाराजी व्यक्त केली आहे.