Neena Gupta Birthday: अभिनेत्री नीना गुप्ताही बॉलिवूडमधील एक कसदार अभिनेत्री आहे. गेल्या अनेक दशकांपासून ती प्रेक्षकांच मनोरंजन करत आहे. ती तिच्या उत्कृष्ट अभिनयासाठी बरोबरच तिच्या स्पष्टवक्ते शैलीसाठीही ओळखली जाते.
नीनानं आपलं वैयक्तिक आणि व्यावसायिक आयुष्य जगासमोर बेधडकपणे ठेवल आहे. नीना गुप्ता या रविवारी 64 वर्षांच्या झाल्या आहेत.
त्याच्या वाढदिवसानिमित्त त्याच्या चाहत्यांनी आणि त्याचबरोबर अनेक कलाकारांनी तिला वाढदिवसाच्या खूप खूप शुभेच्छा दिल्या.
दरम्यान, नीनाची मुलगी मसाबाने तिच्या इंस्टाग्राम अकाउंटवर एक व्हिडिओ शेअर केला आहे. हा अभिनेत्रीच्या वाढदिवसाच्या सेलिब्रेशनचा व्हिडिओ सोशल मीडियावर व्हायरल होत आहे, ज्यामध्ये नीना गुप्ताची मुलगी मसाबा तिला वाढदिवसानिमित्त तिचे विचार विचारते.
ज्याला उत्तर देताना नीना गुप्ता म्हणाल्या की, 60 वर्षांनंतर वाढदिवस येतो तेव्हा वाढदिवसाच्या शुभेच्छा ऐवजी शोक व्यक्त केला पाहिजे असं त्यांना वाटते.
व्हिडिओमध्ये मसाबा ही नीना गुप्ताला म्हणते, आज तुझा वाढदिवस आहे. याला उत्तर देताना नीना म्हणते, हो माझा वाढदिवस आहे, माझ्या वाढदिवशी या भेटवस्तूबद्दल धन्यवाद.
यानंतर जेव्हा मसाबा तिला तिचे विचार विचारते, त्यावर नीना म्हणते की, 60 वर्षांनंतर जेव्हा वाढदिवस येतो तेव्हा लोकांनी शोक व्यक्त करायला पाहिजे, आनंद नाही. कारण आता वय कमी होत आहे, म्हणजे जगण्याचे वय.
यामुळे मला पार्टी करायची नाही आहे. मी आता मस्त जेवण बनवायला सांगतिलं आहे जे मी माझ्या कुटूंबासोबत बसून घाईल. बस्स..
नीना गुप्ता यांनी स्वर्ग, खलनायक, बढाई हो, पंगा, शुभ मंगल ज्यादा सावधान, डायल 100, सरदार का ग्रैंडसन, वध, गुडबाय, मिसेस चॅटर्जी व्हर्सेस नॉर्वे, ऊंचाई, शिव शास्त्री बालबोआ अशा अनेक चित्रपटांमध्ये काम केले आहे.
या वयात देखील नीना यांनी स्वत:ला खुप फिट ठेवलं आहे. तिचे फोटो आणि व्हिडिओ सोशल मिडियावर व्हायरल होत असतात.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.