व्हिडिओ: नीतू कपूर यांनी 'घाघरा' गाण्यावर केला डान्स, रणबीर-आलियाच्या लग्नासाठी सुरु आहे तयारी?

मुंबई- बॉलीवूड अभिनेत्री नीतू कपूर यांचं मुलगा रणबीर कपूरसोबत चांगलं बॉन्डिंग आहे. नीतू कपूर यांची मुलगी रिद्धीमा कपूर साहनी अनेकदा तिच्या आईचे आणि भावाचे फोटो सोशल मिडियावर शेअर करत असते. त्यातंच आता नीतू कपूर रणबीर कपूरच्या 'घाघरा' या गाण्यावर डान्स करताना दिसून आली. त्यांचा व्हिडिओ व्हायरल होत आहे.

हे ही वाचा: विराट-अनुष्काचं बेबी फिल्टर व्हायरल झाल्यानंतर आता आणखी एका क्युट जोडीची होतेय चर्चा  

सोशल मिडियावर मास्टरजी नावाने प्रसिद्ध असलेल्या कोरिग्राफर राजेंद्र सिंह यांनी त्यांच्या इंस्टाग्राम अकाऊंटवरुन एक व्हिडिओ शेअर केला आहे. यामध्ये नीतू कपूर मुलगा रणबीर कपूरच्या 'ये जवानी है दिवानी' सिनेमातील 'घाघरा' गाण्यावर रिहर्सल करताना दिसतायेत. सिनेमातील या गाण्यात रणबीर कपूर आणि माधुरी दिक्षीत यांची जोडी होती. नीतू कपूर यांचा हा व्हायरल होत असलेला डान्स व्हिडिओ पाहून चाहते वेगवेगळे अंदाज बांधत आहेत. अनेकांनी तर ही रणबीर आणि आलियाच्या लग्नासाठी तयारी सुरु असल्याचंच म्हटलंय. 

नीतू कपूर यांच्या आगामी सिनेमांबाबत बोलायचं झालं तर दिग्दर्शक राज मेहता यांच्या आगामी सिनेमात त्या दिसणार असल्याची चर्चा आहे. या सिनेमात अनिल कपूर, वरुण धवन, कियारा आडवाणी देखील असतील. तर दुसरीकडे अभिनेता रणबीर कपूर लवकरंच आयान मुखर्जी दिग्दर्शित 'ब्रह्मास्त्र' या सिनेमातून प्रेक्षकांसमोर येईल.   

neetu kapoor rehearsing her dance moves on son ranbir kapoor song ghagra