अभिनेत्री नीतू कपूर यांच्या कोरोना रिपोर्टचे अपडेट येताच मुलगी रिद्धीमाने शेअर केली पोस्ट

मुंबई- काही दिवसांपूर्वी अभिनेता वरुण धवन, मनीष पॉल आणि क्रिती सॅनन  या कलाकारां पाठोपाठ अभिनेत्री नीतू कपूर यांनाही कोरोनाची लागण झाली होती. आता त्यांच्या कोरोना रिपोर्टचे अपडेट समोर आले आहेत. नीतू कपूर यांची मुलगी रिद्धिमा कपूर साहनीने सोशल मीडियावर एक पोस्ट करत याबाबत तिची प्रतिक्रिया दिली आहे.

हे ही वाचा: कंगना म्हणाली 'दिलजीत कित्थे आ', दिलजीतने दिलं मजेशीर उत्तर    

नीतू कपूर यांची मुलगी रिद्धिमाने तिच्या इन्स्टाग्राम अकाऊंटवर एक पोस्ट शेअर केली आहे. या पोस्टमध्ये तिने नीतू कपूर यांच्यासोबतचा फोटो शेअर केला आहे. हा फोटो शेअर करत तिने चाहत्यांचे आभार मानले आहेत. ‘तुम्ही सर्वांनी माझ्या आईसाठी प्रार्थना केल्याबद्दल तुमचे आभार. माझ्या आईचा कोरोना रिपोर्ट आता निगेटीव्ह आला आहे’ अशी माहिती रिद्धिमाने दिली आहे.

नीतू कपूर आगामी ‘जुग जुग जियो’ या सिनेमाच्या शूटींगमध्ये बिझी होत्या. या सिनेमाचं शूटींग सुरु असतानाच त्यांना कोरोनाची लागण झाल्याची माहिती मिळाली होती. त्यानंतर त्यांनी सोशल मीडियावर पोस्ट करत याबाबत सगळ्यांना माहिती दिली होती.

“माझी कोरोना चाचणी पॉझिटिव्ह आली आहे. त्यामुळे मी सेल्फ क्वारंटाइन झाले आहे. डॉक्टरांच्या सल्ल्याने औषधं घेत असून स्वत:ची काळजी घेत आहे. माझ्या प्रती काळजी आणि प्रेम व्यक्त केल्यामुळे सगळ्यांचे मनापासून आभार. सगळ्यांनी स्वत:ची काळजी घ्या. मास्क वापरा, सुरक्षित अंतर ठेवा आणि काळजी घ्या”, अशी पोस्ट नीतू कपूर यांनी कोरोनाचा संसर्ग झाल्यावर केली होती. आता त्यांचा रिपोर्ट निगेटीव्ह आल्याचं कळताच चाहत्यांमध्ये आनंदाचं वातावरण आहे. 

neetu kapoor tests negative for covid 19 daughter riddhima kapoor sahni shares update