Nora Fatehi : नोरा फतेहीची लावणी पाहून माधुरी दीक्षितने वाजवली शिट्टी

Nora Fatehi Latest News डान्सर आणि अभिनेत्री नोरा फतेही (Nora Fatehi) झलक दिखला जा १० या डान्स रिॲलिटी शोला जज करीत आहे. नोरा फतेहीने चित्रपटसृष्टीत ठसा उमटवण्यासाठी खूप मेहनत घेतली आहे. ती चाहत्यांच्या मनावर राज्य करताना दिसत आहे. झलक दिखला जा १० च्या निर्मात्यांनी सोशल मीडियावर व्हिडिओ शेअर केला आहे. व्हिडिओमध्ये नोरा फतेहीचा डान्स पाहून माधुरी दीक्षितही (Madhuri Dixit) स्वतःला शिट्टी वाजवण्यापासून रोखू शकली नाही.

व्हिडिओमध्ये नोरा फतेही हिरव्या रंगाची नऊवारी साडी, सोनेरी नथ आणि हेवी वर्क ज्वेलरी परिधान केलेली दिसत आहे. अमृता खानविलकर लावणी डान्स नंबर सादर करून शोमध्ये परफॉर्म करणार आहे. माधुरीला लावणीची आवड आहे. अमृताचा परफॉर्मन्स संपल्यावर माधुरीने नोरा फतेहीला स्टेजवर अमृतासह लावणी नृत्य करण्याची विनंती केली. नोराने (Nora Fatehi) लावणी करून सर्वांची मने जिंकली.

व्हिडिओमध्ये नोरा फतेहीच्या चेहऱ्यावरील भाव अप्रतिम दिसत आहेत. माधुरी दीक्षित देखील अभिनेत्रीच्या अभिनयाचा खूप आनंद घेताना दिसत आहे. नोरा फतेहीचा परफॉर्मन्स संपताच माधुरी दीक्षित जोरात शिट्ट्या वाजवते आणि आनंदाने तिला स्टँडिंग ओव्हेशन देते. नृत्य प्रकार कोणताही असो नोरा फतेही चांगले नृत्य करते.

माधुरी दीक्षित (Madhuri Dixit) आणि नोरा फतेहीसोबत करण जोहर झलक दिखला जा १० ला जज करीत आहे. नोरा फतेहीच्या लावणीचे सर्वत्र कौतुक होत आहे. नोरा फतेही दिलबर या म्युझिक व्हिडिओमुळेच चर्चेत आली होती. या गाण्यानंतरच नोरा फतेहीची लोकप्रियता वाढली. झलक दिखला जा १० पाच वर्षांनंतर नव्या सीझनसह परतला आहे.