Pati Patni Aur Woh : बायको-प्रेयसीला सांभाळताना चिंटूची तारेवरची कसरत

बॉलिवूडमध्ये रिमेकचं वारं सध्या जोरदार वाहतंय. याचच एक उदाहरण म्हणजे 'पती पत्नी और वो'! कालच (ता. 3) या चित्रपटाचा ट्रेलर प्रदर्शित झालाय. या चित्रपटात कार्तिक आर्यन, भूमी पेडणेकर आणि अनन्या पांडे यांच्या मुख्य भूमिका आहेत. हा एक रोमँटिक कॉमेडी चित्रपट असेल. 

विकी कौशल करतोय या हॉट अभिनेत्रीला डेट? बीटाऊनमध्ये चर्चांना उधाण!

कार्तिक म्हणजेच चिंटूची गोष्ट सांगणारा ही ट्रेलर... चिंटू वेदिकाशी (भूमी पेडणेकर) लग्न करतो. त्यांचा संसार सुरू होता. पण काही वेळातच चिंटूच्या आयुष्यात तपस्या (अनन्या पांडे) त्याच्या आयुष्यात येते. तो तिच्या प्रेमात पडतो, मग पुढे त्याची तारेवरची कसरत सुरू होते. पत्नी आणि प्रेयसी यांच्यामध्ये त्याचा गोंधळ उडतो. तो यातून कसा मार्ग काढतो, दोघींना कसा खूश ठेवतो यावर बेतलेली या चित्रपटाची कथा असेल.

ट्रेलर रिलीज झाल्याच्या काही वेळातच या ट्रेलरने सोशल मीडियावर धूम उडवली आहे. एकाच दिवसात या ट्रेलरला 7 लाखांहून अधिक व्ह्यूज मिळाले आहेत. 1987 मध्ये आलेल्या 'पती पत्नी और वो' या चित्रपटात संजीव कुमार, विद्या सिन्हा, रंजीता कौर हे मुख्य भूमिकेत होते. चित्रपटाची मूळ कथा तशीच ठेवून त्याला मॉडर्न ट्विस्ट देऊन हा चित्रपट दिग्दर्शक मुदस्सर अजीज घेऊन येत आहेत. 6 डिसेंबरला हा चित्रपट प्रदर्शित होईल.