मोठी बातमी! सुशांतसिंग आत्महत्या प्रकरणात दोन अभिनेत्यांसह अभिनेत्रीचाही जबाब नोंदवला जाणार..

sushant singh rajput
sushant singh rajput

मुंबई: सुशांतसिंग आत्महत्येप्रकरणी पोलिसांनी आत्तापर्यंत 16 जणांचे जबाब नोंदवले असून  बॉलीवूडमधील दोन अभिनेत्यांसह एका अभिनेत्रीला चौकशीसाठी हजर राहण्यासाठी नोटीस पाठविली आहे. तसेच पोलिसांना सुशांतच्या मोबाईलच्या सहाय्याने याप्रकरणी पोलिस अधिक तपास करत आहेत.

तर दुसरीकडे बॉलीवूडमधील एका बड्या कंपनीसोबत अभिनेता सुशांतसिंगचे कॉन्ट्रॅक्ट होते. त्या कंपनीला आता पोलिसांनी या कॉन्ट्रॅक्टची प्रत सादर करण्यास सांगितली आहे. सुशांतच्याआत्महत्येला गटबाजी कारण असल्याचा आरोप नुकताच अनेक कलाकारांनी केला होता. त्या अनुषंगाने तपासाच्या दृष्टीने पोलिसांनी उचललेले हे पाऊल म्हणता येईल. 

दरम्यान याप्रकरणी पोलिसांनी गुरूवारी याप्रकरणी रिया चक्रवर्तीसोबत पब्लिक रिलेशन मॅनेजर आणि सुशांतचा व्यावसायिक मॅनेजर यांचा जबाब नोंदवला. या दोघांच्याही जबाबात काही विशेष माहिती मिळाली नसल्याचे पोलिसांनी सांगितले. दरम्यान, रियाकडून सुशांतबद्दल सविस्तर माहिती घेण्य्ाात आली आहे. पोलिसांनी सुशांतचे वडील आणि दोन बहिणी, कास्टिंग दिग्दर्शक मुकेश छाब्रा, नोकर अशा 16 जणांचा जबाब नोंदवला आहे. याप्रकरणी पोलिसांनी पाच डाय-याही हस्तगत केल्या असून त्यांची तपासणी सुरू असल्याचे सूत्रांनी सांगितले.

तर दुसरीकडे सुशांतच्या आत्महत्या प्रकरणाच्या तपासात दिवसागणिक नवी माहिती समोर येत आहे. या आत्महत्येप्रकरणी आता बाॅलिवूडमधील दोन मोठ्या अभिनेत्यासह एका अभिनेत्रीचे नाव समोर आले आहे. यामुळे पोलिसांनी या तिघांना चौकशीसाठी नोटीस पाठविली आहे.  हे दोन्ही स्टार सुशांत सिंह राजपूत याच्या करिअरशी संबंधित असल्याची माहिती आहे. 

त्याचप्रमाणे, बॉलिवूड अभिनेत्यांसोबतच 3 प्रॉडक्शन प्रमुखांची देखील चौकशी होणार आहे. बॉलिवूडमधील काही बॅक स्टेज कलाकारही चौकशी यादीत आहेत. मुंबई पोलिसांकडून या प्रकरणातील चौकशीसाठी 3 विशेष टीम तयार करण्यात आल्या आहेत. सुशांत सिंह राजपूतच्या आत्महत्येनंतर बॉलिवूडमधील अनेक प्रसिद्ध् चेहरे समोर येऊन बोलू लागले आहेत.

अशातच सोनू निगम यानेही एक खळबळजनक दावा केला आहे. फिल्म इंडस्ट्रीमधील एका बड्या कंपनीमुळे अनेक गायक आत्महत्येचा पर्याय स्वीकारू शकतात, असे सोनू निगमने म्हटले आहे.

police will take statements of two actors and one actress in sushant singh case 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com