पूजा सावंत-गश्मीर महाजनीच्या 'त्या' चॅटचा अखेर उलगडा; म्हणाले, 'लव्ह यू..'

अभिनेत्री पूजा सावंत आणि अभिनेता गश्मीर महाजनी यांच्यामध्ये झालेल्या चॅट्सची सध्या सोशल मीडियावर जोरदार चर्चा आहे. 'व्हॅलेंटाइन डे'निमित्त मी तुला खास सरप्राइज देतो, असं गश्मीर या चॅटमध्ये पूजाला म्हणताना दिसतोय. यावरून हे दोघं एकमेकांना डेट करतायत की काय अशीही चाहत्यांमध्ये चर्चा सुरू झाली होती. मात्र आता या चॅटमागील खरं कारण समोर आलं आहे. गश्मीर आणि पूजा लवकरच एका नव्या चित्रपटात एकत्र काम करणार असून त्याचं नाव 'लव्ह यू मित्रा' असं आहे. गश्मीरने व्हिडीओ पोस्ट करत याबद्दलची माहिती दिली. 

'मित्र ही एक अशी व्यक्ती असते जी कायम आपल्यावर निरपेक्ष प्रेम करते. मिनी फिल्म्स प्रस्तुत.. लव्ह यू मित्रा', असं कॅप्शन देत गश्मीरने हा व्हिडीओ पोस्ट केला आहे. या चित्रपटाचं दिग्दर्शन मानसी बागला करत असून सिद्धार्थ साळवी यांनी पटकथा लिहिली आहे. या चित्रपटाच्या निमित्ताने एक नवीन जोडी प्रेक्षकांना पाहायला मिळणार आहे. 

हेही वाचा : स्वानंदी बेर्डे आता होणार सौ. माने; नव्या प्रवासाला सुरुवात

हेही वाचा : गँगस्टर अरुण गवळी होणार आजोबा; मुलीच्या घरी लवकरच हळणार पाळणा 

आजकाल चित्रपट प्रमोशनसाठी विविध फंडे वापरले जातात. त्यातच गश्मीर आणि पूजाने त्यांच्या आगामी चित्रपटाची घोषणा करण्यासाठी चॅटचा अनोखा फंडा वापरला. त्यांच्या चॅटमुळे दोघांच्या रिलेशनशिपची चर्चा झाली आणि या दोघांकडे नेटकऱ्यांचं लक्ष वेधलं गेलं. आता पूजा-गश्मीर ऑनस्क्रीन प्रेक्षकांची मनं जिंकू शकतील का, हे पाहणं औत्सुक्याचं ठरणार आहे. पूजा सावंत सध्या 'महाराष्ट्राज बेस्ट डान्सर' या रिअॅलिटी शोमध्ये परीक्षकाच्या भूमिकेत आहे. तर गश्मीरची 'श्रीकांत बशीर' ही वेब सीरिज चांगली गाजली. स्टार प्लसवरील 'इमली' या मालिकेतही गश्मीर मुख्य भूमिका साकारतोय.