Prabhakar More : NCP मध्ये भरणार हास्यजत्रा! 'हा' कॉमेडी कलाकार 'राष्ट्रवादीत'

Prabhakar More : मराठी टीव्ही मनोरंजन विश्वात महाराष्ट्राची हास्यजत्रा या मालिकेनं प्रेक्षकांच्या मनावर गारुड केलं आहे. अनेक वर्षांपासून हास्यजत्रेनं प्रेक्षकांचे निखळ मनोरंजन केले आहे. त्यातील कलाकारांसोबत प्रेक्षकांचे एक भावनिक नाते तयार केले आहे. आता या मालिकेतील प्रसिद्ध कलाकार प्रभाकर मोरे यांच्याविषयीची एक मोठी बातमी समोर आली आहे.

विनोदाचं तुफान आणि तितकेच अचुक टायमिंग असलेल्या प्रभाकर मोरेंचा मोठा चाहतावर्ग आहे. त्यांची विनोदी शैली, त्याच ढंगातील अभिनय हा चाहत्यांचा खास चर्चेचा विषय असतो. सोशल मीडियावर देखील तितक्याच उत्साहानं सक्रिय असणाऱ्या प्रभाकर मोरेंची सेकंड इनिंग ही राजकारणात असणार आहे. असे बोलले जात आहे. त्यांनी एका राजकीय पक्षामध्ये जाहीर प्रवेशही केला असल्याची चर्चा आहे.

Also Read - भारतीय क्रिकेटची नवी आशा- पृथ्वी शाॅ

साम टीव्हीनं दिलेल्या माहितीनुसार प्रभाकर मोरे हे राष्ट्रवादीत गेल्याची चर्चा आहे. गेल्या अनेक दिवसांपासून त्यांच्या राजकीय प्रवेशाची चर्चा सोशल मीडियावर रंगली होती. मात्र ते कोणत्या पक्षात प्रवेश करणार याबाबत शंका होती. अखेर त्यांनी राष्ट्रवादीच्या घड्याळ्यासोबत जाणार असल्याचा निर्णय घेतला आहे. त्यांच्या राजकीय प्रवेशानं सोशल मीडियावर चाहत्यांचे लक्ष वेधून घेतले आहे.