अभिनेता प्रसाद ओकची पत्नी मंजिरी ओक अभिनय क्षेत्रात नसली तरी चित्रपटविश्वात तिचं महत्त्वपूर्ण योगदान आहे. मंजिरीने आतापर्यंत अनेक मराठी चित्रपटांची निर्मिती केली असून प्रसाद ओकच्या चित्रपटांसाठीही तिने पडद्यामागील बरीच कामं केली आहेत. सोशल मीडियावर सक्रिय असणाऱ्या मंजिरीचा फॅनफॉलोईंग मोठा आहे. इन्स्टाग्राम अकाऊंटवर ती सतत फोटो व व्हिडीओ पोस्ट करत असते. मंजिरीचा फॅशन सेन्स नेटकऱ्यांच्या पसंतीस पडत असून तिच्या स्टाइल स्टेटमेंटवर लाइक्स व कमेंट्सचा वर्षाव होत असतो. सध्या खण साडीची ट्रेण्ड बाजारात असून मंजिरीनेही तिचा 'खण'खणीत लूक चाहत्यांसमोर सादर केला आहे.
पारंपरिक खणाच्या साडीवर नक्षीकाम केलं की त्याला एक वेगळाच लूक येतो. अशा साड्यांमध्ये मंजिरीने बरेच फोटोशूट केले असून सोशल मीडियावर ते पोस्ट केले आहेत. खणाची साडी आणि त्यावर घुंगरुचे दागिने, असा मंजिरीचा लूक सोशल मीडियावर हिट ठरला. या फोटोशूटसाठी प्रसाद ओकनेही खणाचा कुर्ता परिधान केला होता. आणखी एका खणाच्या साडीवर स्टायलिश ब्लाऊजचा पर्याय निवडत मंजिरीने थोडा वेस्टर्न लूक नेटकऱ्यांसमोर आणला. या प्रत्येक लूकमध्ये मंजिरीचं सौंदर्य खुलून दिसत आहे.
प्रसाद-मंजिरीची प्रेमकहाणी
मंजिरीने प्रसादच्या अॅक्टिंग वर्कशॉपमध्ये भाग घेतला होता. जवळपास तीन महिने हा वर्कशॉप चालला आणि त्यादरम्यानच प्रसाद-मंजिरीची चांगली मैत्री झाली. मात्र दोघांपैकी कोणीही दुसऱ्याला प्रपोज केलं नव्हतं किंवा लग्नासाठी मागणी घातली नव्हती. जसजसं या दोघांमध्ये प्रेमाची भावना वाढत गेली, तेव्हा त्यांनी लग्नबंधनात अडकण्याचा निर्णय घेतला. ७ जानेवारी १९९८ मध्ये या दोघांनी लग्न केलं. सुरुवातीला मंजिरीच्या कुटुंबीयांकडून या लग्नाला विरोध होता. पण नंतर कुटुंबीयांची मनं जिंकण्यात दोघंही यशस्वी ठरले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.