Priyanka Chopra: प्रियंका चोप्राने 'या' दिग्दर्शकाला विकली मुंबईतील दोन आलिशान घरं, किंमत ऐकून व्हाल थक्क!

Priyanka Chopra sells two Mumbai apartments: मनोरंजन विश्वातील लोकप्रिय नाव म्हणजे प्रियंका चोप्रा. तिने केवळ बॉलिवूडच नव्हे तर हॉलिवूडमध्येही आपल्या अभिनयाने स्वत: चे स्थान कायम केले आहे. 2018 मध्ये निक जोनासशी लग्न केल्यानंतर प्रियंका लॉस एंजेलिसमध्ये राहण्यास गेली आहे. ती तिथे निक आणि तिची लेक मालती मेरी चोप्रा जोनाससोबत राहते.

प्रियंका अनेकदा कोणत्या ना कोणत्या कारणाने चर्चेत असते. आता अलीकडेच प्रियंकाने तिचे मुंबईतील दोन अपार्टमेंट चित्रपट निर्माता आणि दिग्दर्शक अभिषेक चौबे यांना विकले असल्याचा दावा मिडिया रिपोर्टमध्ये केला जात आहे. प्रियंकाने मुंबईतील अंधेरी येथील तिचे दोन अपार्टमेंट दिग्दर्शक आणि लेखक अभिषेक चौबे यांना तब्बल सहा कोटी रुपयांना विकले असल्याचे बोलले जात आहे.

लोखंडवाला परिसरात करण अपार्टमेंट टॉवरच्या 9व्या मजल्यावर प्रियंकाचे हे घर आहे. प्रियंकाने आई मधु चोप्रा यांच्या मदतीने 23 ऑक्टोबर आणि 25 ऑक्टोबर रोजी हा व्यवहार केला. दोन्ही फ्लॅट एकूण 2,300 स्क्वेअर फूटमध्ये पसरलेले आहेत.

यासाठी अभिषेक चौबे यांनी एकूण 36 लाख रुपये मुद्रांक शुल्क भरले आहे. यापुर्वी प्रियंकाने लोखंडवाला येथील एक मालमत्ता 7 कोटी रुपयांना एका डॉक्टरला विकली होती. आता प्रियंका परदेशात असल्यामुळे तिचे या मालमत्तेकडे दुर्लक्ष होत असल्याने तिने हे घर विकले असल्याच्या चर्चा आहे.

प्रियंकाने 2003 मध्ये 'द हीरो: लव्ह स्टोरी ऑफ अ स्पाय' या चित्रपटातून बॉलिवूडमध्ये एंट्री केली होती. तिने अनेक सुपरहिट चित्रपटांमध्ये काम केले आहे आता ती हॉलीवूडमध्ये आपल्या अभिनयाने सर्वांना घायाळ करत आहे.

तिच्या वर्क फ्रंटवर बोलायचं झालं तर प्रियंका चोप्रा 'हेड्स ऑफ स्टेट'मध्ये जॉन सीना आणि इद्रिस एल्बासोबत स्क्रीन शेअर करताना दिसणार आहे. याशिवाय ती फरहान अख्तरच्या 'जी ले जरा'मध्ये आलिया भट्ट आणि कतरिना कैफसोबत काम करणार आहे. त्याचबरोबर ती डॉन 3 मध्ये रणवीर सिंह सोबत स्क्रिन शेयर करणार असल्याची चर्चा आहे.