कोणतेही नवीन गाणे लोकांना आवडायला लागले की त्याचे बरेच वर्जन तयार होतात. अशातच पुष्पा चित्रपटाचे श्रीवल्ली या गाण्याला तर लोकांनी तर डोक्यावर ओढून घेतले होते. मग या फेमस गाण्याचे अनेक भाषेत अनेक वर्जन करण्यात आले. यातलंच एक मराठी वर्जन लोकांना खूप आवडलं. हे मराठी वर्जन करणारे अमरावतीचे विजय खंडारे त्यावेळी खुप चर्चेत आले. याच विजय खंडारे यांचं एक नवीन गीत प्रेक्षकांच्या भेटीला आहे
श्रीवल्लीचे मराठी वर्जन फेमस झाल्यानंतर विजय खंडारे यांच्या या नवीन गाण्याची बऱ्याच दिवसांपासून प्रेक्षकांना उत्सुकता होती. अमरावती प्रस्तुत विदर्भातील कलाकारांची कलाकृती "शेवटचं पान" हे गीत ७ तारखेला तापडिया सिटी सेंटर येथे प्रदर्शित करण्यात आले आणि एका दिवसात दीड लाखापेक्षा जास्त लोकांनी या गाण्याला Youtube वर प्रतिसाद दिला आहे. त्यामुळे आता हे गाणे Youtube वर चांगलेच व्हायरल होत आहे.
या गीताचे दिग्दर्शन रोहित काळे तसेच मयूर बर्डे असून संगीत संयोजन श्रीनिवास मोहोड यांनी केले आहे तर या गाण्याचे गायक विनय वानखडे असून या गाण्याचे गीतकार निखिल लिघाटे आणि विनय वानखडे यांनी दिले आहे. या गीताचे चित्रगीकरण मोर्शी तालुक्यातील अंबाडा या गावी तसेच महाराष्ट्र सीमेला लागलेल्या मध्य प्रदेशातील नळा मानी या गावी झाले आहे..
विशेष म्हणजे गाण्याच्या मुख्यभुमिकेत श्रीवल्ली मराठी वर्जन करणारे विजय खंडारे हे झडकणार आहे तसेच त्यांच्या साथीला सृष्टी गाडगे या असणार आहेत. सह कलाकार - मनीष पतंगराव हे आहेत. हे गीत प्रेक्षकांच्या भेटीला विजय खंडारे यांच्या यूट्यूब चॅनल वर येणार आहे.
विजय खंडारे यांच्या या नव्या गाण्याला प्रेक्षक श्रीवल्ली सारखाच प्रतिसाद देईल का, हे पहावे लागेल पण सध्या या गाण्यावर प्रेक्षकांचा प्रतिसाद पाहून शक्यता नाकारता येत नाही.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.