Rakshabandhan 2022 : रस्त्यावर उतरुन अभिनेत्री अदाचं 'रक्षाबंधन'

Rakshabandhan 2022: बॉलीवूडमध्ये देखील रक्षाबंधन फेस्टिव्ह सुरु झाला आहे. यावर वेगवेगळ्या सेलिब्रेटींनी रक्षाबंधनचे फोटो शेयर करण्यास सुरुवात केली आहे. यासगळ्यात अभिनेत्री अदा शर्माचं रक्षाबंधन मात्र चर्चेत आलं आहे. सोशल (Social Media viral news) मीडियावर तिनं काही फोटो शेयर केले आहेत. त्याला नेटकऱ्यांचा मोठा प्रतिसाद मिळताना दिसतो आहे. तिच्या फोटोंवर त्यांनी (viral video) वेगवेगळ्या प्रतिक्रियाही दिल्या आहेत. अदानं नेहमीप्रमाणे यावर्षी देखील रक्षाबंधनचे जोरदार सेलिब्रेशन केले आहे. तिच्या व्हायरल झालेल्या व्हिडिओवर नेटकऱ्यांनी गंमतीशीर प्रतिक्रिया दिल्या आहेत.

अदानं रक्षाबंधनचे निमित्त साधत रस्त्यावर उतरुन चाहत्यांना राखी बांधण्यास सुरुवात केली आहे. त्याचे फोटो आणि व्हिडिओ सोशल मीडियावर व्हायरल झाले आहेत. आपल्या हटक्या स्टाईलनं अदानं वेगळी ओळख निर्माण केली आहे. यापूर्वीच्या तिच्या फोटोंना आणि व्हिडिओला मोठा प्रतिसाद मिळाल्याचे दिसुन आले आहे. अदाला कुणी भाऊ नाही म्हणून तिनं रस्त्यावरील लोकांना राखी बांधून रक्षाबंधन साजरा केला आहे. त्यावर चाहत्यांनी तिचं कौतूकही केलं आहे. इंस्टावर व्हायरल झालेल्या त्या व्हिडिओमध्ये अदानं एका रिक्षाचालकाला राखी बांधली आहे. त्या व्हिडिओमध्ये ती म्हणते, तुमच्यामुळे मुंबईतील मुली या सुरक्षित आहे. तुम्ही घेत असलेली काळजी आमच्यासाठी महत्वाची आहे.

रिक्षाचालकाला राखी बांधून तिनं त्यांच्याप्रती कृतज्ञता व्यक्त केली आहे. अदा ही नेहमीच तिच्या वेगवेगळ्या फोटो आणि व्हिडिओमुळे चर्चेत असणारी सेलिब्रेटी आहे. एका युझर्सनं तिच्या त्या व्हिडिओवर कमेंट करताना लिहिलं आहे की, अदाची अदाच निराळी आहे. तिचं खूप कौतूक....तिनं दाखवलेल्या माणुसकीसाठी तिचे आभार. अदाच्या प्रोजेक्टविषयी सांगायचे झाल्यास ती आतापर्यत वेगवेगळ्या चित्रपटांमध्ये दिसली आहे. विक्रम भट्टच्या 1920 मध्ये तिनं भूमिका केली होती. तसेच कमांडो 2 आणि कमांडो 3 मध्येही तिनं काम केलं आहे.