स्टार प्रवाह वरील (Star Pravah) रंग माझा वेगळा (Rang Maza Vegla)ही मालिका सध्या चांगलीच चर्चेत आहे. दीपा आणि कार्तिक यांची लव्ह स्टोरी रंगत चालली आहे. पण त्यांच्या नात्यात वेळोवेळी दुरावा असणारी श्वेताही प्रेक्षकांची लाडकी आहे. तिच्या भूमिकेवर चाहते भरभरून प्रेम करतात. तिने साकारलेली खलनायिका इतकी अप्रतिम आहे की प्रेक्षकांना त्या भूमिकेचा रागही येतो. श्वेता हे पात्र अनघा अतुल (anagha atul) म्हणजे अभिनेत्री अनघा भगरे (anagha bhagare) साकारते आहे. अनघाने नुकतीच एक पोस्ट भावनिक पोस्ट शेअर केली आहे. ज्यामध्ये तिने आपल्या काकांविषयी लिहिले आहे.
या पोस्टमध्ये तिने एक जवळची व्यक्ती गमावल्याचे सांगितले आहे. ही व्यक्ती म्हणजे तिचे भय्या काका. काही दिवसांपूर्वी तिच्या काकांचे निधन झाले आहे. काकांचा फोटो पोस्ट करत लिहते, '९/५/२०२२.. खूप लवकर गेलास रे. तू काका नाही मित्र होतास माझा. आपल्या खूप पार्टीज पेण्डिंग आहेत. “अॅना, मला मुलगी नाही त्यामुळे तुझ कन्यादान मीच करणार “ हे सतत सांगायचास. स्वतःच्या मुलीसारखाच मला खुप प्रेम दिलस.
पुढे ती म्हणते, 'नेहमी भेटलो की वरण तूप पोळी चा बेत करायचो. कारण काका पूतणीची आवड अगदी सेम. स्वतःच्या आनंदासोबातच स्वतःची दुःख अगदी मोकळेपणाने शेअर करायचास. तू शिकवलस नेहमी आनंदी कस रहायच. कहिही झाल तरी ग्राउंडेड रहायच. मोठयांचा आदर करायचा.' अनघाची ही पोस्ट पाहून चाहतेही तिच्या दुःखात सहभागी झाले आहेत. अनघा भगरे (Angha Bhagare) ही बहुचर्चित आणि परिचित भगरे गुरुजींची कन्या आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.