Ranveer Singh and Deepika Padukone: दीपवीरच्या बाळाचं नाव काय असणार? जन्माआधीच रणवीरनं ठरवलं

Ranveer Singh and Deepika Padukone: बॉलिवूडमधील प्रसिद्ध अभिनेता रणवीर सिंह (Ranveer Singh) आणि प्रसिद्ध अभिनेत्री दीपिका पादुकोण (Deepika Padukone) यांनी आज चाहत्यांना गुडन्यूज दिली आहे. लवकरच दीपिका आणि रणवीर यांच्या घरी बाळाचं आगमन होणार आहे. सोशल मीडियावर पोस्ट शेअर करुन ही गोड बातमी रणवीर आणि दीपिका यांनी दिली आहे. अशताच रणवीरचा एक व्हिडीओ सोशल मीडियावर व्हायरल झाला आहे. ज्यामध्ये रणवीर हा त्याच्या बाळाच्या नावाबद्दल बोलताना दिसत आहे.

रणवीर म्हणाला, "दीपिका लहानपणी खूपच क्युट दिसत होती"

एका कार्यक्रमातील रणवीरचा जूना व्हिडीओ सोशल मीडियावर व्हायरल झाला आहे. या व्हिडीओमध्ये रणवीर म्हणतो, "तुम्हा सर्वांना माहीत आहे की मी विवाहित आहे आणि मला काही वर्षात मूल होईल. भावा, तुझी वहिनी (दीपिका) लहानपणी खूपच क्युट दिसत होती, मी तिला नेहमी म्हणतो की, तू मला अशी एक मुलगी दे म्हणजे माझं आयुष्य सेट होईल. मी मुलांची नावं देखील शॉर्टलिस्ट करत आहे."

पुढे रणवीर कार्यक्रमात आलेल्या शौर्यवीर नावाच्या स्पर्धकाला म्हणतो, "तुमची हरकत नसेल तर मी माझ्या बाळाला शौर्यवीर हे नावं देऊ शकतो?" यानंतर रणवीर स्टाईलमध्ये "शौर्यवीर सिंह", असं म्हणतो. आता मुलगा झाला तर रणवीर त्याचं नाव 'शौर्यवीर' असं ठेवणार का? याकडे अनेकांचे लक्ष लागले आहे.

पाहा व्हिडीओ:

सोशल मीडियावर दिली गुडन्यूज

दीपिका आणि रणवीर यांनी सोशल मीडियावर खास पोस्ट शेअर करुन चाहत्यांना गुडन्यूज दिली आहे. त्यांनी पोस्टमध्ये लिहिलं, "सप्टेंबर 2024". दीपिका आणि रणवीर यांच्या घरी सप्टेंबर महिन्यामध्ये बाळाचं आगमन होणार आहे.

दीपिका आणि रणवीचे आगामी चित्रपट

'सिंघम अगेन' या चित्रपटातून दीपिका आणि रणवीर हे दोघे प्रेक्षकांच्या भेटीला येणार आहेत. तसेच रणवीरच्या डॉन-3 या आगामी चित्रपटाची देखील प्रेक्षक उत्सुकतेने वाट बघत आहेत.