Ranveer Singh: 'तुझ्या नरम हातांनी...',लाइव्ह सेशनमध्ये रणवीरची दीपिकाकडे भलतीच डीमांड, Video Viral

Ranveer Singh: रणवीर सिंग आणि दीपिका पदूकोण नेहमीच एकमेकांच्या लाइव्ह व्हिडीओवर मजेदार प्रतिक्रिया करताना दिसतात. दीपिकानं नुकतंच आपलं एक नवं प्रॉडक्ट लॉन्च करताना इन्स्टाग्रामवर लाइव्ह सेशल घेतलं होतं,पण रणवीरनं त्यावर कमेंट करून सगळ्यांचे लक्ष वेधून घेतले.(Ranveer Singh fun with wify deepika padukone during instagram live session)

दीपिकानं त्या सेशनमध्ये आपल्या प्रॉडक्टच्या काही खास गोष्टी शेअर केल्या तेव्हा रणवीरनं त्यावर मजेदार कमेंट केली जी जोरदार व्हायरल झाली आहे. त्यानं लिहिलं आहे,''वा..वा...मला देखील स्कीनकेअर विषयी जाणून घेण्यात इंट्रेस्ट आहे''. तो म्हणाला,''आम्हीपण चेहऱ्यावर मॉश्चरायझर लावतो,थोडं स्वतःला मेंटेन ठेवणं चांगली गोष्ट आहे''. रणवीरनं पुढे लिहिलं आहे तो तर कहरच आहे...तो म्हणाला,''तुझ्या नरम हातांनी माझ्या चेहऱ्यावर मॉश्चरायझर लाव''. आता रणवीरच्या या कमेंटनंतर सोशल मीडियावर त्याची कमेंट हायलाइट करुन लोक नवीन मेजदार पोस्ट शेअर करताना दिसत आहेत.

याआधी एकदा रणवीर एक लाइव्ह सेशन करत होता,ज्यात तो रॅपर स्लो चीता सोबत इंटरॅक्ट करत होता,तेव्हा दीपिकानं कमेंट सेक्शनमध्ये तो कुठे आहे हे विचारलं होतं आणि डीनर प्लॅन विषयी देखील विचारलं होतं. तेव्हा देखील चाहत्यांनी खूप मजा लुटली होती. रणवीर आणि दीपिका बॉलीवूडचं सगळ्यात क्यूट कपल आहे जे अशी धम्माल करताना दिसतात अनेकदा.

'राम-लीला' सिनेमाच्या शूटिंग दरम्यान या दोघांमध्ये प्रेम झालं आणि त्यानंतर काही वर्षांनी त्यांनी लग्नाचा निर्णय घेतला. दोघांनी १४ नोव्हेंबर,२०१८ मध्ये आपल्या काही खास मित्रपरिवार आणि कुटुंबियांच्या उपस्थितीत लग्नगाठ बांधली. दीपिका आणि रणवीर एकमेकांना अनेकदा करिअरमध्येही पाठिंबा देताना दिसतात. सोशल मीडियावरही दोघं अनेकदा एकमेकांप्रती प्रेम व्यक्त करताना दिसतात.

दीपिका लवकरच शाहरुखच्या 'पठाण' सिनेमात दिसणार आहे. तिच्या सिनेमातील 'बेशरम रंग' गाण्यावरनं जोरदार वाद उठला आहे. गाण्यात तिनं घातलेली भगव्या रंगाची बिकिनी अनेक धार्मिक संघटनांना खटकली आहे. अजूनतरी हा वाद शमण्याचं नाव घेताना दिसत नाही.