टायगर श्रॉफसोबतच्या 'त्या' अफवेला रश्मिका मंदानानं केलं कन्फर्म, चाहते खूश

नॅशनल क्रश रश्मिका मंदाना(Rashmika Mandanna) संदर्भात गेल्या काही दिवसांपासून एक बातमी जोरदार व्हायरल होताना दिसत आहे. बातमी होती की,रश्मिका मंदानाला एक मोठा बॉलीवूड सिनेमा मिळाला आहे. ज्यात 'बागी' स्टार टायगर श्रॉफ(Tiger Shroff) सोबत ती रोमान्स करताना दिसणार आहे. या बातमीनं सोशल मीडियावर मात्र चर्चेला उधाण आलं होतं. अनेक जण वेगवेगळे तर्क-वितर्क लावत होते. अखेर रश्मिकानंच एक व्हिडीओ(Video) पोस्ट करत या सर्व चर्चांना पूर्णविराम दिला आहे. रश्मिका मंदानानं टायगर श्रॉफसोबत एक व्हिडीओ शेअर करत एक खरी गूड न्यूज सांगितली आहे.(Rashmika Mandanna confirms the rumour with Tiger shroff,post a video on social media)

रश्मिका मंदानानं टायगर श्रॉफ सोबतचा व्हिडीओ सोशल मीडियावर शेअर करत एक गोष्ट तर कन्फर्म केली आहे की हे दोघेही लवकरच एकत्र स्क्रीन शेअर करताना दिसणार आहेत. पण कोणत्याही सिनेमात हे दोघे काम करत नसून एका जाहिरातीमध्ये दोघे एकत्र दिसणार आहेत. रश्मिका मंदानानं हा व्हिडीओ आपल्या इन्स्टाग्रामवर शेअर करत लिहिलं आहे की ,''अफवा खरी होती मित्रांनो,खूप हसू येतंय याक्षणी मला..टायगर श्रॉफ आणि मी एका जाहिरातीचं शूट संपवलेलं आहे. टायगर सोबत काम करण्याचा अनुभव खूपच छान होता. जाहिरातीच्या मी प्रतिक्षेत आहे''. रश्मिका मंदाना आणि टायगर श्रॉफचा हा क्यूट व्हिडीओ आपण बातमीत लिंक जोडलेली आहे तिथे पाहू शकाल.

अल्लू अर्जूनच्या 'पुष्पा' सिनेमाला मिळालेल्या यशानंतर रश्मिका मंदाना सध्या बॉलीवूड आणि साउथ इंडस्ट्रीतही टॉपच्या अभिनेत्रींमध्ये गणली जाते. रश्मिकाकडे सध्या थलापति विजयचा 'वरिसु' सिनेमा आणि अल्लु अर्जूनचा 'पुष्पा २' आहेच,त्यासोबत बॉलीवूडचे 'गूडबाय','मिशन मजनू','एनिमल' सारखे प्रोजेक्ट देखील आहेत. सर्वच सिनेमात रश्मिका मुख्य भूमिका साकारत आहे. तर दुसरीकडे टायगर श्रॉफ,वरुण धवन,विक्की कौशल सोबत जाहिरातीही तिनं केल्या आहेत.