रेमो डिसूजाची कशी आहे तब्येत? पत्नी लिजेलने व्हिडिओ शेअर करत चाहत्यांना दिले अपडेट

मुंबई- प्रसिद्ध कोरिओग्राफर रेमो डिसूजाची तब्येत अचानक बिघडल्याने त्याला काही दिवसापूर्वी मुंबईतील कोकिलाबेन हॉस्पिटलमध्ये दाखल करण्यात आलं होतं. त्याच्यावर उपचार सुरु आहेत. रेमोच्या चाहत्यांमध्ये या बातमीमुळे काळजीचं वातावरण होतं मात्र आता चाहत्यांना लिजेलने रेमोचे हेल्थ अपडेट दिले आहेत. लिजेलने एक व्हिडिओ शेअर करत रेमोची तब्येत आता कशी आहे हे त्याच्या चाहत्यांना दाखवण्याचा प्रयत्न केला आहे.  

हे ही वाचा: कोरोनाने अशी केली वरुण धवनची हालत, फोटो पाहून चाहते झाले हैराण

प्रसिद्ध कोरिओग्राफर रेमो डिसूजाला शुक्रवारी दुपारी जवळपास २.३० वाजता हृदयविकाराचा झटका आला होता. रेमोच्या हृदयातून ब्लॉकेजेस काढल्यानंतर त्याला आयसीयूमध्ये हलवण्यात आलं होतं. त्याची तब्येत आता स्थिर आहे आणि डॉक्टर त्याच्या तब्येतीच्या सुधारणेवर लक्ष ठेवून आहेत. रेमोचा हा व्हिडिओ त्याच्या चाहत्यांचा जीव भांड्यात टाकणारा आहे. मात्र आता आणखी किती दिवस रेमो हॉस्पिटलमध्ये राहणार आणि  डॉक्टर त्याला डिस्चार्ज देणार हे महत्वाचं आहे. 

रेमोची पत्नी लिजेलने रेमोचा हॉस्पिटलमधील एक व्हिडिओ शेअर केला आहे. हा व्हिडिओ शेअर करताना तिने कॅप्शनमध्ये लिहिलंय, 'पायाने डान्स करणं ही एक सामान्य गोष्ट आहे मात्र हृदयाने/मनाने डान्स करणं ही वेगळी गोष्ट आहे. तुम्हा सगळ्यांचे मनापासून आभार.' लिजेलच्या या व्हिडिओवर कमेंटचा पाऊस पडत आहे. इतकंच नाही तर रेमो सर लवकर बरे व्हावेत अशा प्रार्थना देखील करत आहेत.

रेमो बॉलीवूडचा एक उत्तम कोरिओग्राफर आहे. सोबतंच त्याने दिग्दर्शनामध्येपण त्याचं नशीब आजमावलं आहे. टीव्ही इंडस्ट्रीमध्ये रिऍलिटी शोचा परिक्षक म्हणून तो दिसून आला होता.    

remo dsouza wife lizelle shares health update thankfull fans for prayers