मुंबईचे माजी पोलिस आयुक्त राकेश मारियांवर बायोपिक,रोहित शेट्टीची घोषणाRohit Shetty | Sakal
sakal

बोलून बातमी शोधा

Rohit Shetty to produce biopic on Mumbai top cop Rakesh Maria. Read details

मुंबईचे माजी पोलिस आयुक्त राकेश मारियांवर बायोपिक,रोहित शेट्टीची घोषणा

बॉलीवूडच्या प्रसिद्ध निर्मात्यांपैकी एक रोहित शेट्टीनं(Rohit Shetty) आता मुंबईचे माजी पोलिस कमिश्नर राकेश मारिया(Rakesh Maria) यांच्या जीवनावर आधारित बायोपीक काढणार असल्याची मोठी घोषणा केली आहे. रोहित शेट्टीनं आपल्या सोशल मीडिया अकाऊंटवर याची घोषणा केली आहे आणि राकेश मारियांसोबतचा एक फोटो देखील त्यानं शेअर केला आहे. फोटोत रोहित शेट्टीच्या हातात राकेश मारिया यांनी लिहिलेलं पुस्तक आहे,ज्याच्या मुखपृष्ठावर राकेश मारिया यांचा फोटो दिसत आहे,तर राकेश मारिया यांनी रोहितच्या खांद्यावर हात ठेवत निखळ स्माइलही कॅमेऱ्याला पोझ देताना दिलं आहे. रिलायन्स एंटरटेन्मेंटसोबत मिळून रोहित शेट्टी या बायोपीकची निर्मिती करणार असल्याचं बोललं जात आहे. बायोपीकच्या माध्यमातून राकेश मारिया यांच्या संपूर्ण कारकिर्दीवर प्रकाश टाकला जाणार आहे. त्यामुळे क्राइम जगतातले अनेक अंतर्गत खुलासे केले जातील असंही म्हटलं जात आहे. या सिनेमाचं दिग्दर्शन स्वतः राहित शेट्टी करणार आहे.

रोहित शेट्टीनं आपल्या सोशल मीडिया अकाऊंटवर पोस्ट शेअर करत लिहिलं आहे की,''मुंबईतील ९३ च्या बॉम्बस्फोट प्रकरणापासून, ते ९० च्या दशकात डोकं वर काढलेल्या अंडरवर्ल्डचा सामना करेपर्यंत ते अगदी दहशतवादी कसाबकडून माहिती काढून घेईपर्यंत,२६/११ ला आपल्या शहराच्या रक्षणासाठी भक्कमपणे उभे राहणारे... राकेश मारिया यांचं धाडस आणि पराक्रम पडद्यावर आणताना मला खूप अभिमान वाटत आहे''

हेही वाचा: केजीएफ फेम यशला तंबाखू ब्रॅन्डची करोडोची ऑफर,अभिनेत्याचं अवाक करणारं उत्तर

रोहित शेट्टी राकेश मारिया यांच्यावर सिनेमा काढत आहे हे कळल्यानंतर आता त्यांची भूमिका सिनेमात कोणता हिरो साकारणार ते कसाबविषयी आणखी कोणते खुलासे होणार हे जाणून घेण्याची उत्सुकता चाहत्यांना लागली आहे. आणि सोशल मीडियावर त्यामुळेच या सिनेमाची जोरदार चर्चा रंगली आहे.

Web Title: Rohit Shetty To Produce Biopic On Mumbai Top Cop Rakesh Maria Read

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top