काश्मिरच्या थंडीत सना खानचा 'हनिमून'; व्हिडिओ व्हायरल

मुंबई - अभिनेत्री होती मात्र काही कारणास्तव चित्रपटात काम सोडण्याचा निर्णय घेतला. लग्न झालं तेव्हा आता आपण पूर्णवेळ कुटूंबाला देणार असल्याचेही तिनं सांगितले. अशा सना खाननं तिच्या हनीमूनचे फोटो सोशल मीडियावर व्हायरल केले आहेत. त्याला चाहत्यांची पसंती मिळत आहे.

सना सध्या तिचा पती अनस सैय्यद सोबत काश्मिरमध्ये हनीमून एंजॉय करत आहे. तिनं तिथले फोटो व्हायरल केले आहेत. यावर सनाने एक स्टोरी इंस्टाग्रामवर शेयर केली आहे. ज्यात तिनं बुरखा घातलेला आहे. यावेळी ती सुंदर दिसत आहे. चहा पित असताना खोलीच्या बाहेरील नजारा न्याहाळण्याचा आनंद ती घेत आहे.

यापूर्वी सनाच्या पतीचा एक व्हिडीओ व्हायरल झाला होता. यात तिच्या पतीला सना खोलीबाहेरील दृश्य दाखवत आहे. त्यावेळी पाठीमागून आलेला तिचा पती 'बेगम बहुत ठंड है।' हे सांगत आहे.

लग्नापूर्वी सना ही चित्रपटसृष्टीत कार्यरत होती. आता तिनं हे क्षेत्र सोडले आहे. याविषयीही तिनं सोशल मीडियावर लिहिलं होतं की, बंधू भगिनींनो मी चित्रपट क्षेत्र सोडण्याचा निर्णय घेतला आहे.

याचे कारण म्हणजे मी आयुष्याच्या एका वळणावर येऊन थांबले आहे. त्यावेळी मला माझा पती, त्यांच्या घरातील सर्वजण यांच्याशी आनंद आणि एकोप्यानं राहावे लागणार आहे. त्या घरासाठी माझी जबाबदारी अधिक वाढली आहे.  आयुष्याचे काही ध्येय असणे गरजेचे आहे. केवळ पैसे कमविणे हा त्याचा हेतू नसावा. मी त्यावर वेगळा निर्णय घेतला आहे. आपल्याला कुठल्याही वेळी काहीही होऊ शकते. तेव्हा जितके दिवस या जगात आहोत तोपर्यत चांगले काम करत राहायचे असे मला वाटते.

हे ही वाचा: जुग जुग जियो: वरुण-नीतूनंतर मनीष पॉलला देखील कोरोना व्हायरसची लागण, शूटींग सोडून परतला घरी 

मला नेहमी आपण ज्यावेळी या जगातून जाणार त्यावेळी मागे काय उरणार हा प्रश्न पडतो. तेव्हा सतत कार्यरत राहणे आणि सतकार्याला वाहून घेणे जास्त महत्वाचे असल्याचे जाणवते.