Sukanya Mone - Sanjay Mone: "तर आपण एकमेकांना विसरुन जाऊ", लग्नापुर्वीच संजय मोनेंनी सुकन्याला सांगून टाकलं

Sukanya Mone - Sanjay Mone News: सुकन्या मोने - संजय मोने ही मराठी मनोरंजन विश्वातील चर्चेतील जोडी. संजय मोने आणि सुकन्या मोने यांचा मिश्किल स्वभाव सर्वांना माहितच आहे.

सुकन्या मोने आणि संजय मोने हे गेली अनेक वर्ष नाटक, मालिका आणि सिनेमांच्या माध्यमातुन प्रेक्षकांचं मनोरंजन करत आहेत. अलीकडेच एका वृत्तसंस्थेला दिलेल्या मुलाखतीत संजय - सुकन्या यांनी एक मोठा खुलासा केलाय.

संजय - सुकन्या यांच्या नात्यात एक वेळ अशी आली होती की, आज दोघेही एकमेकांशी लग्नबंधनात अडकले नसते. काय झालं होतं जाणुन घेऊ.

(Sanjay Mone told wife Sukanya Mone wedding story)

संजय मोने यांनी मुलाखतीत खुलासा केला की, "मी तुझ्या घरच्यांना येऊन तुझ्या आईवडिलांना आपल्या लग्नाबद्दल सांगणार नाही. कारण ते माझे आई-वडिल नाही ते तुझे आहेत. मी माझ्या आई - वडिलांना सांगेल. त्यात विरोध झाला तर विसरुन जायचं. संपलं.

संजय - सुकन्या पुढे म्हणाले, "पळुन जाउन लग्न करायच शक्यच नाही. कारण मी आठवड्यातुन तीन वेळा पळुन जातच होतो ना मी नाटकाच्या दौऱ्यावर."

संजय मोने पुढे म्हणाले, "जसे मला माझे आई - वडिल हवे आहेत. तसेच तुझेही तुला प्रिय आहेत. मी माझ्या आई वडिलांना दुखावुन काय करणार नाही. तसंच तुही करु नकोस. त्यापेक्षा आपण थांबुया, पळुन जायचं नाही. जेव्हा ते हो म्हणतील तेव्हा लग्न करु. आधीच उशीर झालाय तर अजुन थोडा उशीर."

संजय मोने - सुकन्या मोने यांच्या वर्कफ्रंटबद्दल सांगायचं तर... सुकन्या मोने काहीच महिन्यांपुर्वी रिलीज झालेल्या बाईपण भारी देवा सिनेमात झळकल्या. या सिनेमाने बॉक्स ऑफीसवर रेकॉर्डब्रेक कमाई करत सर्वांचं मन जिकलं.

संजय मोने यांच्या वर्कफ्रंटबद्दल सांगायचं तर... संजय मोने काहीच दिवसांपुर्वी प्रतिशोध या मराठी मालिकेत झळकले. संजय - सुकन्या आजवर एकमेकांच्या करिअरला सपोर्ट करताना दिसतात.