अभिनेता संकर्षण क-हाडे 'या' रिऍलिटी शोमधून लवकरंच येणार प्रेक्षकांच्या भेटीला, पाहा व्हिडिओ

मुंबई-  अभिनेता संकर्षण कऱ्हाडेला प्रेक्षकांनी अभिनय, निवेदन आणि कविता करताना ऐकलं आहे, पण आता संकर्षणचं गाणं ऐकण्याची संधी प्रेक्षकांना मिळणार आहे. संकर्षणने त्याच्या करिअरच्या सुरुवातीपासूनंच मालिका, रिऍलिटी शो, कॉमेडी शो आणि एँकरिंग अशा वेगवेगळ्या गोष्टी आजमावून पाहिल्या आहेत आणि म्हणूनंंच यावेळी प्रेक्षकांना त्याच्या गाण्याची कला पाहण्याची संधी मिळणार आहे.

हे ही वाचा: मुंबईच्या मुसळधार पावसात अभिनेते भारत गणेशपुरेंचा मोबाईल चोरीला, सांगितला धक्कादायक अनुभव

२१ ऑगस्टपासून सुरू होणाऱ्या ‘सिंगिंग स्टार’ या सोनी मराठीवरील कार्यक्रमात संकर्षण कऱ्हाडेही दिसणार आहे आणि गाणं गाण्यासाठी त्याची मार्गदर्शक आणि जोडीदार असणार आहे केतकी भावे-जोशी. आपल्या गोड आवाजानं केतकीनंही प्रेक्षकांची मनं जिंकली आहेत.

संकर्षण लहानपणी काही वर्षं गाणं शिकला आहे, पण संकर्षण उत्तम कविता करतो. त्याच्या कविता सोशल मिडियाच्या माध्यमातून प्रेक्षक ऐकतच असतात. त्याला गाण्याची उत्तम जाण आहे आणि कवितेतला त्याचा रस त्याला उत्तम गाणं गाण्यात नक्की मदत करेल, असा विश्वास केतकीला आहे. केतकी आणि संकर्षण यांनी याआधी कधीही एकत्र काम केलेलं नाही, पण ‘सिंगिंग स्टार'च्या निमित्तानं त्यांची भेट झाली. व्हिडिओ कॉलच्या माध्यमातून आपापल्या घरी राहूनच संकर्षण आणि केतकी गाण्याचा रियाज करतात.

sankarshan and ketki will be seen together in new show singing star