Sarabhai Vs Sarabhai फेम अभिनेत्री वैभवी उपाध्यायचे कार अपघातात निधन

साराभाई वर्सेस साराभाई मालिका फेम अभिनेत्री वैभवी उपाध्याय यांचे कार अपघातात निधन झाले आहे. वैभवीच्या पार्थिवावर आज सकाळी ११ वाजता मुंबईत अंत्यसंस्कार करण्यात येणार आहेत.(Sarabhai vs Sarabhai actor Vaibhavi Upadhyaya dies in car accident )

मिळालेल्या माहितीनुसार, वैभवी उपाध्याय यांचे मंगळवारी सकाळी निधन झाले. हिमाचल प्रदेशमध्ये एका कार अपघातात वैभवीचा मृत्यू झाला. ती ३२ वर्षांची होती. चंदिगड येथील तिचे कुटुंबीय अभिनेत्रीचे पार्थिव मुंबईत आणत आहेत. (Entertainment News in Marathi)

वैभवीने अनेक गाजलेल्या मालिकांमध्ये काम केलं आहे. सीआयडी, अदालत आणि साराभाई वर्सेस साराभाई या लोकप्रिय मालिकांमध्ये तिनं आपली भूमिका बजावली आहे. साराभाई मालिकेतील जास्मीन या भूमिकेने वैभवीला विशेष ओळख निर्माण करुन दिली. (Entertainment News in Marathi)

दीपिका पादुकोणसोबतही काम...

वैभवीने २०२० मध्ये बॉलीवूडची मस्तानी दीपिका पादुकोणसोबत 'छपाक' आणि 'तिमिर' (२०२३) या चित्रपटांमध्ये काम केलं होतं. गुजराती थिएटर जगतात अभिनेत्रीचं मोठं नाव होतं. टीव्ही शो 'साराभाई वर्सेस साराभाई' व्यतिरिक्त, वैभवीने 'क्या कसूर है अमला का' आणि 'प्लीज फाइंड अटॅच्ड' या डिजिटल सीरिजमध्येही काम केले.