Satyaprem Ki Katha: कियाराच्या मानधनापेक्षा कार्तिकच्या एका गाण्यावर खर्च झालाय पाण्यासारखा पैसा..आकडा ऐकाल तर..

Satyaprem Ki Katha: कार्तिक आर्यन आणि कियारा अडवाणी यांची जोडी पडद्यावर एकत्र दिसण्यासाठी सज्ज झाली आहे. दोघं लवकरच 'सत्यप्रेम की कथा' सिनेमात दिसणार आहेत. या सिनेमाची लोक चातकासारखी वाट पाहत आहेत. काही दिवस आधीच कार्तिकनं या सिनेमाचं शूट पूर्ण केलं.(Satyaprem Ki Katha Kartik Aaryan And Kiara advani film song budget)

सत्यप्रेम की कथा सिनेमाचं शूट एका गाण्याच्या शूटिंगसोबत संपलं. आता त्यासंदर्भात कळत आहे की ज्या गाण्याच्या शूटिंगनं सिनेमाचं शूट संपलं त्या गाण्यावर निर्मात्यांनी पाण्यासारखा पैसा खर्च केला आहे. तो खर्चाचा आकडा ऐकाल तर तुम्हाला झटका लागेल यात शंकाच नाही.

रिपोर्टमध्ये सांगितलं गेलं आहे की निर्मात्यांनी फक्त एका गाण्यावर ७ करोड खर्च केले आहेत. हे गाणं एक इंट्रोडक्टरी गाणं असणार आहे,जे एका वेडिंग थीमवर आधारित आहे. बोललं जात आहे की गाण्यात गुजराती,साऊथ इंडियन,मुस्लिम आणि ईसाई पद्धतीनं लग्न दाखवलं जाणार आहे. या गाण्याच्या शूटिंगसाठी चार वेगवेगळे वेडिंग सेट उभारण्यात आले होते.

बोललं जात आहे की कार्तिक आर्यनच्या सांगण्यावरनं निर्मात्यांनी एका गाण्यावर इतका पैसा खर्च केला आहे. माहितीसाठी इथं सांगतो की या गाण्यासाठी जेवढे पैसे निर्मात्यांनी खर्च केलेत तितकं कियारा अडवाणीला सिनेमासाठी म्हणे मानधन मिळालं आहे. किंबहुना त्याहून कमी मानधन तिला मिळालंय असं देखील समोर आलं आहे.

रिपोर्ट्सनुसार कियाराला ४ करोड मानधन मिळालं आहे, आणि कार्तिक आर्यनला म्हणे २५ करोड फी सिनेमासाठी मिळाली आहे.

गेल्यावर्षी रिलीज झालेल्या 'भूलभूलैय्या २' नंतर कियारा अडवाणी आणि कार्तिक आर्यन यांची जोडी पुन्हा एकत्र काम करताना दिसणार आहे. 'सत्यप्रेम की कथा' सिनेमा गेल्या काही काळापासून चर्चेत आहे, हा सिनेमा २९ जून रोजी सिनेमागृहात भेटीस येणार आहे.