ASK SRK Session: 'बाप-बाप होता है..!' जवान सुपरहिट झाला पण शाहरुख असं का म्हणाला?

Abram Khan Reaction On Jawan: बॉलिवूडचा बादशाह शाहरुख खान सध्या त्याच्या जवान या चित्रपटामुळे चर्चेत आहे. जवान चित्रपटाद्वारे पुन्हा एकदा तो बॉलिवूडचा बादशाह कसा हे त्याने सिद्ध केलं. 7 सप्टेंबरला प्रदर्शित झालेल्या 'जवान' अजूनही प्रेक्षकांना थिएटरमध्ये आकर्षित करत आहे.

चित्रपट समीक्षकांपासून ते सेलिब्रिटींपर्यंत सर्वजण या चित्रपटाचे कौतुक करत आहेत. या चित्रपटातील शाहरुखच्या भुमिकेने सर्वांनाच आकर्षित केले आहे. आता यातच शाहरुखचा जवान त्याच्या चाहत्यांना तर खुपच आवडला मात्र त्याच्या घरच्या व्यक्तींना तो कसा वाटला याबद्दल त्याने स्वत: खुलासा केला आहे.

शाहरुख खानचा धाकटा मुलगा अबराम खान याची जवान सिनेमा पाहिल्यानंतर कशी प्रतिक्रिया होती हे त्याने सांगितलं.

शाहरुखने ट्विटरवर 'आस्क एसआरके' सेशन आयोजित केले होतं, जिथे त्याने नेहमीप्रमाणे त्याच्या चाहत्यांच्या प्रश्नांची उत्तरे दिली.

याच सत्रात एका चाहत्याने शाहरुखला विचारलं की, 'त्याचा धाकटा मुलगा अबरामला जवान हा चित्रपट कसा आवडला?' या प्रश्नावर किंग खानने दिलेल्या उत्तराने सर्वांचे लक्ष वेधुन घेतले.

तो लिहितो की ''बाप-बाप होता है!! नाही नाही, फक्त गंमत करतोय. त्याला मोठ्या माणसासोबत केलेली मारामारी आवडली. त्याला क्लायमॅक्स देखील आवडला."

तर दुसऱ्या यूजरने शाहरुखला विचारलं की मन्नतमध्येही पाली आहेत का? यावर उत्तर देताना शाहरुख म्हणला की, "पाली तर पाहिल्या नाहीत पण फुलपाखरु भरपूर येतात."

तर एकानं शाहरुख खानला जवानाच्या 1000 कोटींच्या कलेक्शनची पार्टी कुठे होणार? असा प्रश्न विचारला यावर शाहरुख म्हणला, 'पठाणच्या घरात आणखी कुठे!'

जवानच्या बॉक्स ऑफिस कलेक्शनबद्दल बोलायचे तर या चित्रपटाने जगभरात धुमाकूळ घातला आहे. जगभरात या चित्रपटाच्या कामाईचा आकडा 938 कोटींच्या पुढे गेला आहे तर भारतात या चित्रपटाने 632.25 कोटींची कमाई केली आहे. आता शाहरुख डंकी या चित्रपटातून प्रेक्षकांच्या भेटीला येणार आहे.