Shah Rukh Khan: शाहरुखनं दिला सुखी वैवाहिक जिवनाचा मुलमंत्र म्हणाला, "जर तुम्ही..."

बॉलिवूडचा पठाण म्हणजेच शाहरुख खानने 'पठाण' चित्रपटाद्वारे चार वर्षांनंतर पुनरागमन केले आहे. यामुळेच या अभिनेत्याच्या चित्रपटाने कमाईच्या बाबतीत अनेक विक्रम मोडले. त्याचबरोबर हा चित्रपट प्रदर्शित झाल्यानंतर शाहरुख ट्विटरच्या माध्यमातून चाहत्यांशी सतत जोडला जातो.

अलीकडेच, त्याने पुन्हा एकदा Ask SRK सेशन आयोजित केले होते. ज्यामध्ये एका चाहत्याने शाहरुखला त्याच्या चांगल्या वैवाहिक आयुष्याचे रहस्य विचारले, ज्याला अभिनेत्याने मनाला आनंद देणारे उत्तर दिले.

सोमवारी शाहरुखने त्याच्या चाहत्यांसाठी आस्क एसआरके सेशन ठेवले. ज्यामध्ये अभिनेत्याच्या चाहत्याने त्याला हॅप्पी मॅरिड लाइफचे रहस्य विचारले. फॅनने विचारले, 'तुमच्या चांगल्या वैवाहिक आयुष्याचे रहस्य काय आहे?

#AskSRK" यावर उत्तर देताना शाहरुखने लिहिले, "गौरीचे हृदय आणि मन खूप चांगले आहे...तिने आमच्या सर्वांना कुटुंब आणि प्रेमाच्या चांगुलपणावर विश्वास दिला आहे." शाहरुखचे हे उत्तर ऐकून चाहते त्याच्यावर खूप प्रभावित झाले आणि त्याच्यावर कौतुकाचा वर्षाव करत आहेत.

25 जानेवारीला रिलीज झालेल्या शाहरुख खानच्या 'पठाण' चित्रपटाने देशातच नाही तर परदेशातही धुमाकूळ घातला आहे. हा चित्रपट लवकरच जगभरात 1000 कोटींच्या क्लबमध्ये सामील होणार आहे. या चित्रपटात शाहरुखसोबत दीपिका पदुकोण आणि जॉन इब्राहिम देखील दिसले होते.