Bigg Boss 16 Finale: शालिन भनोट आणि अर्चना गाैतम यांचा बिग बाॅसमधील प्रवास संपला?

'बिग बॉस 16' मध्ये सुरुवातीपासूनच आपली भक्कम बाजू दाखवणाऱ्या शालिन भानोतच्या चाहत्यांसाठी एक वाईट बातमी समोर येत आहे. टॉप 5 फायनलिस्टमध्ये आपले स्थान पक्के करणाऱ्या शालीनला पुढे जाता आलेले नाही. अलीकडील रिपोर्ट्समध्ये असा दावा केला जात आहे की शालीनला शोमधून बाहेर काढण्यात आले आहे.

तसेच अर्चना गाैतमला देखील शोमधून बाहेर काढण्यात आले आहे असा दावा केला जात आहे. अर्चनाला चौथे स्थान मिळाले ज्यानंतर तिला घरातून बाहेर काढावे लागले.अर्चना गाैतम हिने संगीत खुर्चीमध्ये विजय मिळवला आहे. यामध्ये शिव ठाकरे याला अर्चना गाैतम हिने हारवले आहे. संगीत खुर्चीचा टास्क अर्चना गाैतम हिने जिंकला आहे.

वृत्तानुसार, शालिन भानोतला पाचव्या क्रमांकावर शोमधून बाहेर काढण्यात आले आहे आणि आता तो बाहेर पडल्यानंतर बक्षिसाची रक्कमही वाढली आहे. आता 'बिग बॉस' या रिअॅलिटी शोमध्ये शिव, प्रियांका आणि स्टेन यांच्यात चुरशीची लढत पाहायला मिळत आहे.

शालीन कडून चाहत्यांना खूप आशा होत्या, तो येणाऱ्या दिवसात चर्चेत असायचा, पण शालीनचे असे शेवटच्या स्थानावर येणे त्याच्या मित्रांसाठी धक्कादायक आहे. शालीनला घरातून बाहेर काढताच बक्षिसाची रक्कम 31 लाखांपर्यंत वाढली आहे.

'बिग बॉस'मध्ये राहत असताना शालिनचे नाव 19 वर्षीय सुंबूल तौकीर खानसोबत जोडले गेले. या दोघांच्या जवळीकीने सोशल मीडियावर बरीच चर्चा केली. दोघांना एकत्र पाहून लोकांनी खूप ट्रोलही केले. पण नंतर त्यांचे मार्ग वेगळे झाले.

सुंबुलनंतर शालीनचे नाव टीना दत्तासोबत जोडले गेले आणि दोघेही खूप रोमँटिक अंदाजात दिसले, पण त्यांचे नातेही फार काळ टिकले नाही. नंतर टीना आणि शालीनमध्ये एवढी भांडणे झाली की दोघांनी एकमेकांचे तोंडही पाहण्यास नकार दिला.