Siddharth Kiara Wedding : मला कियारासोबत लग्न करायचं होतं पण...; 'बिग बीं'समोर त्याने केला होता खुलासा

Siddharth Kiara Wedding : कियारा अडवाणी आणि सिद्धार्थ मल्होत्रा ​आज संध्यकाळी ​लग्नबंधनात अडकणार आहेत. हा क्षण अधिक अविस्मरणीय व्हावा यासाठी सिद्धार्थ आणि कियाराने राजस्थानमधील जैसलमेरची निवड केली आहे.

हेही वाचा : प्राप्तिकरासाठी निवडा तुमच्या सोयीची प्रणाली

कियारा आणि सिद्धार्थ आज म्हणजेच 7 फेब्रुवारी रोजी संध्याकाळी जैसलमेरची शान असलेल्या सूर्यगढ हॉटेलमध्ये लग्नबंधनात अडकणार आहेत. लग्नासाठी या जोडप्याने सूर्यगढ पॅलेसच्या 80 रूम्स बुक केल्या आहेत.

या सर्वामध्ये कियाराचा एक डाय हार्ड फॅनला कियारासोबत लग्न करायाची होती. याबाबतच खुलासा त्याने खुद्द बिग बींसमोर केला होता. कियाराच्या या फॅनची सगळीकडे जोरदार चर्चादेखील झाली होती.

कोण आहे कियाराचा डाय हार्ड फॅन

'कौन बनेगा करोडपती-12' च्या शोमध्ये कियाराचा जबरदस्त फॅन असलेली व्यक्ती सहभागी झाली होती. हा चाहता कियाराचे फोटो त्याच्या खिशात घेऊन फिरतो.

विजयपाल सिंह असे कियारासोबत लग्न करायची इच्छा बाळगणाऱ्या चाहत्याचे नाव आहे. विजयपाल सिंहकडे कियाराचे असंख्य फोटो आहेत.

कौन बनेगा करोडपतीच्या मंचावर विजयपाल सिंहने आपल्याला कियारासोबत लग्न करण्याची इच्छा व्यक्त केली होती. या शोदरम्यान, विजयने त्याच्या खिशातील कियाराचा फोटोदेखील दाखवला होता.

कियारा आहे लकी चार्म

कियाराचा एवढा मोठा चाहता असण्यामागचे कारण विचारले असता विजयपाल सिंह म्हणाला होता की, कियारा त्याच्यासाठी खूप भाग्यवान आहे. या एका कारणामुळेच मी नेहमी लकी चार्म म्हणून तिचा फोटो सोबत ठेवतो.

खिशात फोटो घेऊन फिरण्यासोबतच विजयपाल सिंहने त्याच्या खोलीमध्येदेखील कियाराचे असंख्य फोटो लावल्याचेही त्याने सांगितले होते. विजयची ही क्रेझ ऐकून अमिताभ बच्चनही थक्क झाले होते.

मात्र, आता कियाराने सिद्धार्थ मल्होत्रासोबत लग्नगाठ बांधण्याचा निर्णय घेतला आहे. कियाराच्या या निर्णयामुळे विजयपाल यांना नक्कीच मोठा धक्का बसला असेल.