Sidharth-Kiara: अखेर मुहूर्त ठरला! 'या' दिवशी वाजणार सिद्धार्थ अन् कियाराच्या लग्नाचा बॅण्ड..

कपल म्हणून सिद्धार्थ मल्होत्रा ​​आणि कियारा अडवाणी यांच्याकडे पाहिले जाते. मागील काही दिवसांपासून या जोडप्याच्या लग्नाच्या चर्चा रंगल्या आहेत. मात्र यासर्व अफवा असल्याच सांगितलं जात होत मात्र आता सिद्धार्थ आणि कियारा यांच्या लग्नाच्या तयारी जोरात सुरू झाली आहे. अशी माहिती समोर आली आहे.

सिद्धार्थ आणि कियारा 6 फेब्रुवारीला लग्नाच्या बंधनात अडकणार आहेत आणि सर्व विधी 5 फेब्रुवारीपासून सुरू होतील आणि 8 फेब्रुवारीपर्यंत चालणार आहेत.

'आज तक'च्या वृत्तानुसार, सिद्धार्थ मल्होत्रा ​​आणि कियारा अडवाणी जैसलमेरच्या सूर्यगड पॅलेसमध्ये लग्न करणार आहे. लग्नासाठी 100 ते 125 पाहुण्यांना आमंत्रित करण्यात आले आहे. यामध्ये अमिताभ बच्चनपासून शाहरुख खान, करण जोहर आणि वरुण धवनपर्यंत अनेक सेलिब्रिटींच्या नावांचा समावेश आहे.

सूर्यगढ पॅलेसमधील लक्झरी व्हिला पाहुण्यांसाठी बुक करण्यात आले आहेत. लग्नाच्या तयारीची जबाबदारी मुंबईतील एका मोठ्या वेडिंग प्लॅनर कंपनीला देण्यात आल्याचेही सांगण्यात येत आहे. 4 फेब्रुवारीपासून सूर्यगढ पॅलेसमध्ये वऱ्हाडी पोहोचण्यास सुरुवात होणार असल्याचं सांगण्यात येत आहे.

तर कियारा अडवाणी अलीकडेच दिल्लीला जाताना दिसली तर सिद्धार्थ मल्होत्रा ​​आधीच दिल्लीत पोहोचला आहे. सिद्धार्थ आणि कियारा पंजाबी रितीरिवाजांनुसार लग्न करणार आहेत. वृत्तानुसार जैसलमेरमध्ये लग्न झाल्यानंतर हे जोडपे मुंबईत ग्रॅंड वेडिंग रिसेप्शन ठेवणार आहेत.