मुंबई : जगभरात करोना व्हायरसमुळे सर्वत्र चर्चा सुरू आहेच. त्यातच सोनू सूदच्या मदत कार्याबद्दलही सगळीकडेच बोललं जात आहे. सोनू सूदच्या प्रत्येक कामावर देशभरातील लोकांच्या नजरा आहेत. त्याने करत असलेल्या मदतीबद्दलच्या अनेक गोष्टी सोशल मीडियावर व्हायरल होत आहेत. सध्या देशभरात जेवढी करोना व्हायरसची चर्चा होते, तेवढीच चर्चा सोनू सूदचीही सुरू आहे. स्थलांतरीत मजूरांना त्यांच्या घरी सुखरूप पोहचवण्याचं काम सोनू सूद करत आहे.
सोनू सूदच्या या कामाची चर्चा आणि कौतुक जगभरात होत आहे. यावेळी चीनच्या सैन्याशी निगडीत एका युझरने ट्वीट केलं. भारत-चीन सीमेवर सध्या वातावरण खूपच गंभीर आहे. यावर एका युझरने लिहिलं की, 'माझा विचार आहे की, सोनू सूदला लडाखला पाठवलं पाहिजे, तो तिकडून चीनी सैन्याला त्यांच्या घरी सुरक्षित सोडून येईल.' या ट्वीटला उत्तर देताना सोनूने लिहिले की, 'मला चीनी सैन्यांचे डिटेल्स पाठवा.' सोनूचे हे ट्वीट खूपच व्हायरल होत आहे.
नुकतचं सोनू सूदने आसाममध्ये अडकलेल्या लोकांची मदत केली. एका युझरने ट्विटरवर व्हिडिओ शेअर केला होता. यात अनेक लोक मास्क लावून बसलेले दिसत आहेत. त्या व्हिडिओला शेअर करत युझरने लिहिले की, 'सोनू सर आम्ही आसामच्या गरिबाल्दी येथे आहोत. कृपा करून आम्हाला घरी सोडा.' या व्हिडिओला उत्तर देताना सोनूने लिहिले की, 'कृपा करून तिथे रहा.
तुमच्या सुरक्षेसाठी मी तिथे कोणालातरी पाठवतो. तुम्हाला नेण्यासाठी येतील आणि तुमच्या राहण्याची सोय करेल. अभिनेता सोनू सूद हा अनेक मोलमजुर तसेच आता चीन सैन्यालाही बॉर्डरवरून पाठवणार असून, तो खूप मोठं काम करत असल्याचं पाहावयास मिळत आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.