साऊथ कोरियाच्या बँड 70 मधल्या वोनवुच्या आईचे निधन

Hollywood News: साऊथ कोरियाई बँड सेव्हंटीन हा जगप्रसिद्ध आहे. त्याचे चाहते जगभरात पसरले आहे. सोशल मीडियावरही त्याला मिळणारा प्रतिसाद मोठा आहे. त्या बँडमधील रॅपर वोनुवच्या चाहत्यांसाठी धक्कादायक बातमी समोर आली आहे. (Entertainment News) ती म्हणजे वोनवुच्या आईचं निधन झालं आहे. प्लेडिस एंटरटेनमेंटच्या वतीनं ही माहिती देण्यात आली आहे. त्यांनी सांगितलं की, वोनवुची आई गेल्या काही दिवसांपासून आजारी होती. वोनवुच्या आईच्या निधनाची बातमी कळताच त्याच्या चाहत्यांनी त्याच्या कुटूंबाप्रती सहानुभूती व्यक्त केली आहे. वोनवु हा सोशल मीडियावर चर्चेत असणारा सेलिब्रेटी गायक आहे. त्याचे फॅन्सची संख्याही मोठी आहे. वोनवु कुटूंबियांच्या उपस्थितीमध्ये वोनवुच्या आईवर अंत्यसंस्कार करण्यात आले.

सुत्रांकडून मिळालेल्या माहितीनुसार, वोनवु हा साऊथ कोरियाचा प्रसिद्ध गायक आहे. त्याचा चाहतावर्ग मोठा आहे. त्याच्या गाण्याचे चाहते आणि कार्यक्रमाचे निर्माते प्लेडिस एंटरटेनमेंटनं वोननुप्रती सहानुभूती व्यक्त केली आहे. वोननुला एक छोटा भाऊ देखील आहे. त्याचे नाव जीऑन बोहयुक असे आहे. साऊथ कोरियाई बँड सेवेंटीन, 17 कॅरेट, लव एंड लेटर, डायरेक्टर्स कट, वी मेक यु सारख्या वेगवेगळ्या अल्बमसाठी ओळखले जाते.

गेल्या काही वर्षांपासून जागतिक मनोरंजन विश्वामध्ये कोरिया या देशानं लक्ष वेधून घेतलं आहे. त्यामध्ये कोरियनं वेब सीरिज, कोरियनं बँड यांचा प्रामुख्यानं समावेश करावा लागेल. आगळी वेगळी मांडणी, विषयातील नाविन्य, त्यातील प्रभावी तांत्रिक बाजु यामुळे कोरियन सीरिज आणि बँडनं जगभरातील नेटकऱ्यांचे लक्ष वेधून घेतले आहे. विशेषत तरुणांमध्ये या बँडबद्दल कमालीचे कुतूहल आहे. त्यांचा ओढा या बँडकडे आहे.