Salman- Aishwarya: सुभाष घईच्या पार्टीत सलमान आणि ऐश्वर्या राय दिसले एकत्र..नजरानजर होणार इतक्यात

Subhash Ghai Birthday : बॉलीवूड दिग्दर्शक सुभाष घई यांनी त्याचा 78 वा वाढदिवस साजरा केला. सुभाष घई हे दीर्घकाळापासून इंडस्ट्रीत आहेत. दिग्दर्शकाने आपल्या चित्रपटांमधून चाहत्यांचे भरपूर मनोरंजन केले आणि अनेक स्टार्सला संधी दिली. त्यांनी वाढदिवसानिमित्त एका पार्टीचे आयोजन केले होते.

त्याच्या पार्टीत हिंदी मनोरंजन विश्वातील अनेक स्टार्सनी हजेरी लावली होती. या पार्टीत बॉलिवूडचा भाईजान सलमान खानही पोहोचला. त्याच वेळी, बच्चन कुटुंबीय देखील या पार्टीत दिसले.

पार्टी दरम्यानचे काही व्हिडिओ सोशल मीडियावर व्हायरल होत आहे. ज्यामध्ये एका व्हिडिओत सलमान खान पार्टीत एन्ट्री घेताना दिसला तर दुसऱ्या व्हिडिओत ऐश्वर्या राय बच्चनही पती अभिषेक बच्चनसोबत पार्टीत पोहोचली होती.

सलमान खानने सुभाष घईसोबत वाढदिवसाचा केक कापला असं बोलण्यात येत आहे. जया बच्चन देखील पार्टीत आल्या मात्र त्या पार्टीच्या मध्येच निघून गेल्या. यावेळी सलमान खान आणि ऐश्वर्या राय हे दोघ एकाच छताखाली आले होते. या दोघांनीही दिग्दर्शकाचा वाढदिवस एकत्र साजरा केला. दोघांनीही सुभाष घईसोबत चित्रपटात काम केले आहे.

हेही वाचा: ..या शहरात सापडतात शेकडो रोनाल्डो आणि मेस्सी

याशिवाय इंडस्ट्रीतील इतरही अनेक स्टार्स या पार्टीत आले होते. यामध्ये अनिल कपूर, अनुपम खेर, जॅकी श्रॉफ आणि कार्तिक आर्यनही होते.