स्वरा भास्करनं ट्वीटरवर रणवीर शौरीला केलं ब्लॉक; अभिनेत्यानेही केला पलटवार

स्वरा भास्कर(Swara Bhaskar) नेहमीच तिच्या ट्वीटमुळे(Tweet) चर्चेत असते. अनेकदा त्यावरुन वादच ओढवतात. पण आता चक्क तिनं अभिनेता रणवीर शौरीला ट्वीटरवर(Twitter) ब्लॉक(Block) केल्यामुळं यामुळे दोघांमध्ये नेमकं काय बिनसलं याची अधिक चर्चा रंगली आहे. पण दोन्ही कलाकारांनी याविषयी कोणाला काही कळू न देता सगळ्या गोष्टी केल्या आहेत. पण आता रणवीर शौरीनं(Ranvir Shorey) सोशल मीडिया(Social Media) प्लॅटफॉर्मवर एकदम मजेशीर अंदाजात आपली नाराजगी यावर जाहिर केली आहे.(Swara Bhasker blocked Ranvir Shorey on Twitter)

रणवीर शौरीनं स्क्रीन शॉट शेअर केला आहे ज्यावर त्यानं लिहिलं आहे कि, ''स्वरा भास्करनं ब्लॉक केलं आहे''. या पोस्टसोबत रणवीरनं एक मीम देखील शेअर केला आहे. ज्यामध्ये एक मुलगा जीवाच्या आकांताने रडताना दिसत आहे. या पोस्टसोबत त्यानं लिहिलं आहे,''मला आताच हे माहिती पडलं आहे''. आता यावर स्वरा भास्करने अद्याप काहीच प्रतिक्रिया दिलेली नाही. पण चाहते मात्र रणवीरचं मीम शेअर करताना दिसत आहेत. आणि स्वरानं रणवीरला का ब्लॉक केलं यावर चाहते वेगवेगळे अंदाज लावताना दिसत आहेत.

रणवीर बाबतीत थोडक्यात माहित करुन घ्यायचं तर तो 'शेम' या शॉर्ट फिल्ममध्ये दिसला होता. 2019 मध्ये युट्युबवर ही शॉर्ट फिल्म रिलीज झाली होती. यामध्ये सायरस साहुकार व्यतिरिक्त सीमा पाहवा,सयानी गुप्ता देखील होते. या शॉर्ट फिल्ममध्ये स्वरा भास्कर हाऊसकीपिंग स्टाफ असलेल्या फॅनीच्या भूमिकेत दिसली होती. आता या दरम्यान स्वरा-रणवीरमध्ये काही बिनसलं होतं का यावर देखील निकष लावले जातायत.

रणवीर शेवटचा सस्पेंस ड्रामा '420 आयपीसी' मध्ये दिसला होता,जो 2021 च्या डिसेंबर मध्ये Zee5 वर रीलिज झाला होता. रणवीर लवकरच आपल्याला संतोष सिवनच्या 'मुंबईकर' या थ्रिलर सिनेमात आपल्याला दिसणार आहे. हा 'मानागरम' या तामिळ सिनेमाचा रीमेक आहे. सिनेमात विक्रांत मेसी देखील आहे. या सिनेमाच्या माध्यमातून विजय सेतुपति देखील बॉलीवूडमध्ये पदार्पण करीत आहे. याव्यतिरिक्त सलमान खान आणि कतरिना कैफच्या 'टायगर 3' मध्ये देखील रणवीर दिसणार आहे.