मुंबई - सध्या महाराष्ट्र नवनिर्माण सेनेचे प्रमुख राज ठाकरे सातत्याने चर्चेत आहेत. महाराष्ट्रातील दिग्गज नेते मागील काही दिवसांपासून राज ठाकरे यांच्या भेटीला जात आहेत. काही दिवसांपूर्वीच मनसेच्या वतीने आयोजित केलेल्या दीपोत्सव कार्यक्रमाला मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी हजेरी लावली होती. त्यात आता अभिनेत्री तेजस्विनी पंडीत हिची पोस्ट चर्चेत आली आहे.
तेजस्विनीने आपल्या इन्स्टाग्राम अकाउंटवर फोटो पोस्ट करत म्हटलं की, राज साहेबांच्या संकल्पनेतून दिवाळीनिमित्त शिवतीर्थावर भव्य दीपोत्सव साकारला गेला होता. या कार्यक्रमानिमित्त त्यांच्याबरोबर वेळ घालवता आला आणि त्या निमित्तानेच त्यांच्यातल्या कलाप्रेमीला प्रत्यक्षात काही तासांसाठी अनुभवता आलं. धन्यवाद अमेय खोपकर, असंही तेजस्विनीने म्हटलं.
मनसेच्या वतीने शिवाजी पार्क येथे दीपोत्सवाचा मोठा कार्यक्रम आयोजित करण्यात आला होता. या कार्यक्रमाला मुख्यमंत्री आणि उपमुख्यमंत्र्यांनी हजेरी लावल्याने मनसे आणि भाजपच्या युतीच्या चर्चांना उधाण आलं होतं.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.