दिशा पटानीच्या 'सुपरहॉट' बिकिनी फोटोवर टायगर श्रॉफची कमेंट | Disha Patani | Sakal
sakal

बोलून बातमी शोधा

Disha Patani

दिशा पटानीच्या 'सुपरहॉट' बिकिनी फोटोवर टायगर श्रॉफची कमेंट

अभिनेत्री दिशा पटानीचं (Disha Patani) समुद्रप्रेम हे तिच्या सोशल मीडियावरील फोटोंवरून सहज पहायला मिळतं. शूटिंगचं व्यग्र वेळापत्रक आणि जिमचं रुटीन यांमधून वेळ मिळाला तर दिशा लहान ब्रेक घेऊन समुद्रकिनारी वेळ घालवण्याला प्राधान्य देते. दिशाने नुकतेच काही फोटो इन्स्टाग्रामवर पोस्ट केले असून या फोटोंवर तिचे चाहते घायाळ झाले आहेत. गुलाबी रंगाच्या बिकिनीत समुद्राच्या पाण्यात उभी असलेली दिशा या फोटोमध्ये पहायला मिळतेय. तिच्या या फोटोला अवघ्या काही तासांत लाखो लाइक्स मिळाले आहेत.

दिशाच्या या फोटोवर कमेंट करण्याचा मोह अभिनेता टायगर श्रॉफला (Tiger Shroff) आवरला नाही. टायगरने आगीचे इमोजी कमेंट सेक्शनमध्ये पोस्ट केले आहेत. काहींनी तिच्या या फोटोवर नकारात्मक प्रतिक्रियासुद्धा दिल्या आहेत. 'योद्धा' या चित्रपटाचं शूटिंग संपल्यानंतर दिशा सुट्ट्यांचा आनंद घेतेय. या चित्रपटात तिच्यासोबत राशी खन्ना आणि सिद्धार्थ मल्होत्रा यांच्या भूमिका आहेत.

हेही वाचा: वयाच्या नवव्या वर्षी कल्कीचं लैंगिक शोषण; मुलाखतीत झाली व्यक्त

दिशाने २०१५ मध्ये 'लोफर' या तेलुगू चित्रपटातून पदार्पण केलं. बॉलिवूडमधील 'एम. एस. धोनी', 'राधे', 'बागी २', 'मलंग', 'भारत' या चित्रपटांमध्ये तिने भूमिका साकारल्या आहेत. अभिनेता टायगर श्रॉफसोबत नेहमीच तिचं नाव जोडलं गेलं आहे. मात्र या दोघांनी अद्याप जाहीरपणे प्रेमाची कबुली दिली नाही.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top