टीव्ही अभिनेत्री तुनिषा शर्मा हीनं 'अली बाबा : दास्ताँ-ए-काबूल' या सिरियलच्या शुटिंग दरम्यान सेटवरच गळफास घेऊन आत्महत्या केली. वयाच्या अवघ्या २०व्या वर्षीच तुनिषानं जगाचा निरोप घेतला. तिच्या मृत्यूनंतर मनोरंजन विश्वावर शोककळा पसरली.सर्वत्र तिच्या अचानक जाण्यानं हळहळ व्यक्त होत आहे.
तिचा मृत्यू हत्या की आत्महत्या याचा शोध पोलिस घेत आहे. त्यासाठी चौकशीही सुरु करण्यात आली असून या प्रकरणी तुनिशाची आई वनिता शर्मा यांनी तुनिशाचा को स्टार अभिनेता शीजान खान याच्याविरोधात वालीव पोलीस ठाण्यात तक्रार दाखल केली होती. शीजान खान हा तिचा बॉयफ्रेंड असल्याचं बोललं जातं आहे.
हेही वाचा : Love Jihad: प्रेमाला धर्म आहे...?
मुंबईतील जेजे रुग्णालयात तिचा मृतदेहावर हलविण्यात आला असून आज तिचं शवविच्छेदन करण्यात येणार आहे. त्यांनतर आज संध्याकाळी 4 वाजता मुंबईतील मीरा रोड येथे तिच्या पार्थिवावर अंत्यसंस्कार करण्यात येणार आहे.
दरम्यान तुनिशाने बाबा: दास्तान-ए-काबुल सीरियलच्या सेटवर शीजानच्याच मेकअप रुममध्ये फाशी घेऊन आत्महत्या केली. याप्रकरणी शीजाननं सांगितलं की, शुटिंग संपवून परत आलो. मेकअप रुमचा दरवाजा आतून बंद होता. दरवाजा तोडून आत शिरलो. त्यावेळी तुनिशानं आत्महत्या केली होती. शीजानला आज वसई कोर्टात हजर करण्यात येणार आहे.
तुनिशा आणि शीजान दोघेही रिलेशनमध्ये होते. काही दिवसांपूर्वीच दोघंच ब्रेकअप झालं होतं. यामुळे तुनिशा मानसिक तणावाखाली होती. त्यातूनच तिने आत्महत्येचं पाऊल उचलल्याचं बोललं जात आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.