पुष्पाचा फिवर! साताऱ्यात उदयनराजेंच्या 'लुंगी' स्टाइलची चर्चा

सध्या अल्लू अर्जूनचा 'पुष्पा' हा चित्रपट सर्वत्र खुप चर्चेत आहे. बॉक्स ऑफिसवर या चित्रपटाने दमदार कमाई केली आहे. सोबतच चित्रपटाची सर्व गाणी खुप लोकप्रिय झाली आहेत. यातच आपल्या डायलॉगबाजीमुळे सतत चर्चेत असणारे साताऱ्याचे खासदार उदयनराजे यांच्यावरसुध्दा पुष्पा या चित्रपटाची भुरळ पाहायला मिळाली.

उदयनराजे रविवारी साताऱ्याच्या पोवई नाक्यावरील राजधानी सेल्फी पॉईंटवर चक्क लुंगी नेसून पोहचले. या प्रसंगी त्यांनी त्यांच्या कार्यकर्त्यांसह फोटोसेशन केले.त्यानंतर ते आपल्या गाडीत जाऊन बसले असता गाडीत पुष्पा चित्रपटाचे गाणं सुरु होते. या गाण्यावर फ्लाईंग किस देत त्यांनी स्वतःची कॉलर उडवली. आणि सर्वांच्या नजरा त्यांच्यावरच पडल्या. सध्या त्यांचा हा व्हिडीओ सोशल मीडियावर जोरदार वायरल होतोय.

अल्लू अर्जून आणि रश्मिका मंदान्ना मुख्य भुमिकेत असणाऱ्या 'पुष्पा' हा चित्रपट प्रेक्षकांच्या पसंतीस उतरलाय आणि त्यामुळेच या चित्रपटाची भुरळ सर्वत्र दिसत आहे.