सलमा आघा यांची मुलगी झाराला सोशल मिडीयावर बलात्काराची धमकी, आरोपी अटकेत

मुंबई- दिग्गज अभिनेत्री आणि गायिका सलमा आघा यांची मुलगी झारा खानला सोशल मिडियावर अश्लील मेसेज आणि बलात्काराची धमकी मिळाली आहे. झारा खानने मुंबईतील ओशिवरा पोलिस स्टेशनमध्ये बलात्काराची धमकी मिळाल्याबाबत तक्रार दाखल केली आहे. झाराने तिच्या तक्रारीमध्ये म्हटलंय की तिला इंस्टाग्रामवर सतत धमक्या दिल्या जात आहेत. तिला सतत अश्लिल मेसेज पाठवले जात होते. इतकंच नाही तर तिच्यावर बलात्कार करण्याची धमकी देखील दिली गेली होती ज्यानंतर झाराने मुंबईत आरोपीविरोधात तक्रार दाखल केली.

हे ही वाचा: जुग जुग जियो: वरुण-नीतूनंतर मनीष पॉलला देखील कोरोना व्हायरसची लागण, शूटींग सोडून परतला घरी 

झाराने तिच्या तक्रारीमध्ये सांगितलं की तिला २८ ऑक्टोबर पासून ते ३ नोव्हेंबर दरम्यान अनोळख्या व्यक्तीने बलात्काराची धमकी देत आहे. झाराने ६ नोव्हेंबरला एका महिलेच्या विरोधात धमकी दिल्याची तक्रार दाखल केली होती. ही महिला हैद्राबाद येथील २३ वर्षीय एक एमबीए विद्यार्थिनी आहे. असं म्हटलं जातंय की या विद्यार्थिनीने झाराला धमकी देण्यासाठी इंस्टाग्रामवर एक फेक प्रोफाईल बनवली होती ज्यावरुन ती झाराला मेसेज करुन त्रास देत होती. 

झाराच्या तक्रारीनंतर पोलिसांनी कारवाई करत आरोपीचा छडा लावला आहे. मिडिया रिपोर्ट्सनुसार, तपास अधिका-यांनी तक्रारीनंतर याबाबतची माहिती सायबर सेलला दिली. त्यानंतर सायबर सेलने लोकल आयपी ऍड्रेसचा शोध घेतला आणि आरोपीपर्यंत पोहोचले. झारा खानने 'औरंगजेब' आणि 'देसी कट्टे' यांसारख्या सिनेमात केलं आहे.   

veteran actress salma agha daughter zara khan receives rape threat on social media