मुंबई - चित्रपट आणि थिएटर मध्ये आपल्या अभिनयानं प्रेक्षकांच्या मनावर ठसा उमटविणा-या ज्येष्ठ कलाकार पी सी सोमण यांचे निधन झाले आहे. त्यांनी वयाच्या 81 व्या वर्षी अखेरचा श्वास घेतला आहे. त्यांच्या जाण्यानं दाक्षिणात्य चित्रपटसृष्टीवर शोककळा पसरली आहे. सोमण यांच्याविषयी सांगायचे झाल्यास त्यांनी जागतिक पातळीवर गाजलेल्या अदूर गोपालकृष्णन यांच्या स्वयंवरम, विधेयन आणि मथिलुकल नावाच्या चित्रपटांमध्ये काम केले आहे. सोमण यांच्या जाण्यावर केरळचे मुख्यमंत्री पिनरई विजयन यांनी शोक व्यक्त केला आहे.
शुक्रवारी पहाटे चार वाजता सोमण यांनी शेवटचा श्वास घेतला. ते 81 वर्षांचे होते. वार्धक्यामुळे त्यांचे निधन झाल्याची माहिती आप्तजणांनी दिली आहे. पहिल्यापासून थिएटरमध्ये काम करुन त्यांनी चित्रपटसृष्टीमध्ये प्रवेश केला. आपल्या आगळ्या वेगळ्या शैलीच्या अभिनयामुळे ते प्रेक्षकांमध्ये लोकप्रिय होते. प्रसिध्द चित्रपट निर्माते, दिग्दर्शक अदूर गोपालकृष्णन यांच्या चित्रपटांमध्ये त्यांनी अभिनय केल्यामुळे त्यांना मोठ्या प्रमाणावर प्रसिध्दी मिळाली. त्यांचे नाव मातब्बर कलाकारांच्या यादीत घेतले गेले. आपल्या अभिनयाचा अमीट ठसा त्यांनी प्रेक्षकांच्या मनात उमटवला. त्यांच्या जाण्यानं दाक्षिणात्य चित्रपटसृष्टीची मोठी हानी झाली आहे. केवळ प्रेक्षकच नाही तर समीक्षकांचीही त्यांच्या अभिनयाला पसंती मिळायची.
पी सी सोमण यांनी गोपालकृष्णन यांच्या स्वयंवरम, विधेयन आणि मथिललुकल नावाच्या चित्रपटात काम केले होते. त्यांच्या या चित्रपटातील भूमिकांचे मोठ्या प्रमाणावर कौतूक झाले. कौरवर, ध्रुवम आणि फायरमॅन नावाच्या चित्रपटांमधील त्यांच्या भूमिकाही विशेष गाजल्या. सोमण यांनी तीनशेहून अधिक नाटकांमध्ये अभिनय केला होता. मनोरंजनाच्या विश्वात त्यांनी मोठी मुशाफिरी केली. त्यांनी मालिकांमध्येही आपल्या अभिनयाचा ठसा उमटविला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.