'केजीएफ 2' च्या टिझरची प्रतीक्षा संपली, सुपरस्टार यश देणार चाहत्यांना सरप्राईज

मुंबई-  साऊथ सिने इंडस्ट्रीचा सुपरस्टार अभिनेता यश सध्या त्याच्या आगामी 'केजीएफ' चॅप्टर 2 सिनेमात बिझी आहे. यशचा सिनेमा 'केजीएफ चॅप्टर 2' हा 2021 मधील मोस्ट अवेटेड सिनेमा आहे. यामध्ये दक्षिण आणि बॉलिवूडमधील अनेक कलाकार पाहायला मिळणार आहेत. 'केजीएफ चॅप्टर 2' या सिनेमाची चाहत्यांमध्ये खूप उत्सुकता आहे. हिंदीसोबतच अनेक भाषांमध्ये हा सिनेमा रिलीज होणार आहे.. सिनेमाचे अनेक पोस्टर्स आता हळूहळू समोर येत आहेत.

हे ही वाचा: ‘तारक मेहता’मधील 'या' अभिनेत्रीचं इन्स्टा अकाउंट हॅक    

'केजीएफ २' सिनेमाच्या पोस्टमध्ये अभिनेता यश आणि संजय दत्तसोबत अभिनेत्री रवीना टंडनचा लूक समोर आला आहे. पोस्टर समोर आल्यानंतर चाहत्यांकडून एकच प्रश्न विचारला जात आहे की या सिनेमाचा ट्रेलर आणि टीझर कधी प्रसिद्ध होईल? अशातच यशच्या चाहत्यांसाठी आता एक चांगली बातमी समोर आली आहे. 'केजीएफ चॅप्टर 2' सिनेमाचा टीझर जानेवारीत स्वतंत्रपणे रिलीज होणार आहे. 

सूत्रांनी दिलेल्या माहितीनुसार, यश आणि त्याची टीम 8 जानेवारीला केजीएफच्या दुस-या भागाचा टीझर रिलीज करण्याचं प्लानिंग करत असल्याचं म्हटलंय. 8 जानेवारीला रिलीज करण्याचं खास कारण म्हणजे या दिवशी अभिनेता यशचा वाढदिवसही आहे. या दिवशी अभिनेता यश 'केजीएफ चॅप्टर 2' या सिनेमाचा टीझर रिलीज करून त्यांच्या चाहत्यांना एक खास सरप्राईज देणार आहे. 'केजीएफ चॅप्टर 2'  बद्दल सांगायचं झालं तर यामध्ये  संजय दत्त, रवीना टंडन, यश मुख्य भूमिकेत असून संजय दत्त खलनायकाच्या भूमिकेत दिसेल.

yash shares an exclusive still from kgf chapter 2