Zubeen Garg Hospitalized: 'या अली','दिल तू ही बता' गाण्यांचा लोकप्रिय गायक

Zubeen Garg bollywood singer: गँगस्टर चित्रपटातील 'या अली' गाण्यामुळे रातोरात फेमस झालेलया झुबीन गर्गच्या चाहत्यांसाठी धक्कादायक बातमी आहे. (bollywood news) ती म्हणजे झुबीनच्या डोक्याला दुखापत झाल्यानं त्याला रुग्णालयात दाखल करण्यात आले आहे. सुत्रांनी दिलेल्या माहितीनुसार, झुबीन (Bollywood singer) बाथरुममध्ये बेशुद्ध होऊन पडला होता. त्यात त्याच्या डोक्याला गंभीर दुखापत झाली आहे. सध्या त्याच्यावर रुग्णालयात उपचार सुरु आहेत.

आपल्या आगळ्या वेगळ्या प्रकारच्या गायकीनं चाहत्यांमध्ये लोकप्रिय झालेल्या (bollywood movies) झुबीनची नेहमीच चर्चा होत असते. तो सोशल मीडियावर सक्रिय असणारा सेलिब्रेटी आहे. त्याच्या गाण्यांना मिळणारा प्रतिसादही मोठा असतो. झुबीन हा लाईव्ह शोमधून अनेकदा परफॉर्म करताना दिसला आहे. त्याला झालेल्या दुखापतीनंतर चाहत्यांनी काळजी व्यक्त केली आहे. असं सांगितलं जात आहे की, जुबीन एका हॉटेलमध्ये थांबला होता. त्यावेळी बाथरुममध्ये तो पडला आणि त्याच्या डोक्याला दुखापत झाली. बेशुद्ध अवस्थेत असणाऱ्या झुबीनला आता डिब्रुगढ येथील एका रुग्णालयात दाखल करण्यात आले आहे.

झुबीनला काल आसाम वरुन वेगळ्या ठिकाणी शिफ्ट करण्यात आले आहे. मिळालेल्या माहितीनुसार, डॉक्टरांनी सीटी स्कॅन केलं असून त्याच्यावर पुढील उपचार सुरु केले आहेत. आसामचे मुख्यमंत्री हेमंत बिस्वा यांनी डॉक्टरांकडे चौकशीही केली आहे. याशिवाय त्या राज्याचे आरोग्यमंत्री केशव महंता यांनी देखील झुबीनच्या आरोग्याची विचारपूस केली आहे. डॉक्टरांनी सांगितले की, झुबीनच्या डोक्याला मार लागला आहे. त्याला टाके घालण्यात आले आहे.

झुबीनविषयी सांगायचे झाल्यास त्यानं आसामी भाषेशिवाय बंगाली, हिंदी भाषेतही गायन केले आहे. हिंदीमधील त्याचे या अली आणि दिल तू ही बता ही गाणी चाहत्यांची विशेष प्रिय आहेत. 1992 मध्ये आलेल्या अनामिका या चित्रपटातून झुबीननं संगीतकार आणि गायक म्हणून पदार्पण केलं होतं.