Dharashiv : 'तू तुझ्या औकातीत राहा भंगारचोर'; ठाकरे गटाच्या खासदारानं भाजप आमदाराला चांगलंच सुनावलं

आमदार राणाजगजितसिंह पाटील यांनी हळू आवाजात बोलण्याचा सल्ला ओमराजेंना दिला.
Omprakash Rajenimbalkar and Ranajagjitsinha Patil
Omprakash Rajenimbalkar and Ranajagjitsinha Patilesakal
Summary

तेरणा प्रकल्पाच्या (Terna Project) बंद पाइपलाइनचा विषय निघाला. याच मुद्द्यावरून दोघांमध्ये हुमरातुमरी झाली.

धाराशिव : जिल्हा नियोजन समितीच्या बैठकीत खासदार ओमप्रकाश राजेनिंबाळकर (Omprakash Rajenimbalkar) आणि आमदार राणाजगजितसिंह पाटील (Ranajgajitsingh Patil) यांच्यात चांगलीच खडाजंगी झाली. तेरणा प्रकल्पाच्या बंद पाइपलाइनच्या मुद्द्यावरून हा प्रकार घडल्याची माहिती सूत्रांनी दिली आहे.

जिल्हाधिकारी कार्यालयातील नियोजन समितीच्या सभागृहात सोमवारी (ता. पाच) बैठक सुरू झाली. घारगाव (ता. कळंब) येथील जलजीवन मिशनच्या कामाचा मुद्दा आमदार कैलास पाटील यांनी उपस्थित केला. यावर एका अधिकाऱ्याने तांत्रिक मुद्द्याचे कारण पुढे केले. त्यानंतर खासदार राजेनिंबाळकर यांनी त्यास जाब विचारला. त्यावर आमदार राणाजगजितसिंह पाटील यांनी हळू आवाजात बोलण्याचा सल्ला ओमराजेंना दिला.

Omprakash Rajenimbalkar and Ranajagjitsinha Patil
Islampur : राष्ट्रवादीत फक्त पै-पाहुण्यांचं राजकारण चालतं म्हणत महाडिक गटाचा भाजपात प्रवेश

यावरूनही दोघांमध्ये शाब्दीक चकमक झाली. त्यानंतर तेरणा प्रकल्पाच्या (Terna Project) बंद पाइपलाइनचा विषय निघाला. याच मुद्द्यावरून दोघांमध्ये हुमरातुमरी झाली. 'औकातीत राहा, बाळ आहेस तू, ट्रस्टचा लुटारू, भंगारचोर' अशा शब्दांत एकमेकांचा उद्धार करण्यात आला. दोघेही एकमेकांना एकेरीवर येऊन बोलत होते.

Omprakash Rajenimbalkar and Ranajagjitsinha Patil
Akshay Bhalerao Case : आरोपीला काँग्रेसच्या आमदारानं लपवून ठेवलं; कवाडेंचा चव्हाणांवर गंभीर आरोप

यावेळी सभागृहही अवाक् झाले. अनेक दिवसांपासून दोघांत वाद गेल्या अनेक दिवसांपासूनचा दोघांमधील हा वाद आहे. यापूर्वीही एका नियोजन समितीच्या बैठकीत असा प्रकार घडला होता. आता पुन्हा एकदा असा प्रकार घडल्याची व दोघांमधील राजकीय वैमनस्याची चर्चा सुरू झाली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com