उस्मानाबाद जिल्हा बँकेच्या संचालकपदी बापूराव पाटील यांची बिनविरोध निवड ! | Osmanabad District Bank Election | Sakal
sakal

बोलून बातमी शोधा

Bapurao Patil And Osmanabad District Cooperative Bank Election

उस्मानाबाद जिल्हा बँकेच्या संचालकपदी बापूराव पाटील यांची बिनविरोध निवड !

उमरगा (जि.उस्मानाबाद) : उस्मानाबाद जिल्हा सहकारी बँकेच्या (Osmanabad District Cooperative Bank Election) निवडणुकीत महाविकास आघाडीचे बापूराव माधवराव पाटील यांची सोमवारी (ता.३१) बिनविरोध निवड निश्चित झाली आहे. जिल्हा बँकेच्या पंचवार्षिक निवडणूकीची रणधुमाळी सध्या सूरू आहे. जिल्ह्यामध्ये महाविकास आघाडी एकत्रित लढण्याच्या तयारीत असतानाच उमरगा (Umarga) तालुका सोसायटी गटातून काँग्रेसचे (Congress Party) बापूराव पाटील (Bapurao Patil) यांचा एकमेव अर्ज राहिल्याने सोमवारी स्पष्ट झाल्याने निवड बिनविरोध निश्चित आहे. आता फक्त औपचारिकता शिल्लक आहे. पाटील २००९ मध्ये प्रथम जिल्हा बँकेचे संचालक व अध्यक्ष झाले. मध्यंतराचा एक वर्षाचा कालखंड सोडला २००९ ते २०१५ पर्यंत अध्यक्ष राहिले आहेत. मागच्या पाच वर्षातही ते संचालक होते.परत एकदा त्यांची बिनविरोध संचालक म्हणून निवड झाली आहे. (Bapurao Patil Elected As Director Of Osmanabad District Cooperative Bank, But Official Announcement Still Not)

हेही वाचा: वाईनची दुकाने फोडणार, इम्तियाज जलील यांचे मुख्यमंत्री ठाकरेंना खुले आव्हान

दरम्यान यापूर्वी जिल्हा बँकेला उर्जीतवस्था आणण्याचे काम पाटील यांनी केले आहे. याच कालखंडात बँकेचे एनपीए कमी करण्याचा प्रयत्न पाटील यांनी केला आहे. पाटील यांचे वाणिज्य शाखेतून पदवीपर्यंतचे शिक्षण झाले आहे. बँकेच्या व्यवहाराचे उत्तम ज्ञान असल्यामुळे येणाऱ्या काळात बँकेला निश्चितच चांगले दिवस येतील असा आशावाद कर्मचाऱ्यांनी व्यक्त केला आहे. पाटील यांची बिनविरोध निवड होत असल्यामुळे महाविकास आघाडीमध्ये उत्साहाचे वातावरण आहे. बँकेवर महाविकास आघाडी पूर्णपणे बहुमताने सत्ता स्थापन करेल असे कार्यकर्त्यांना वाटते. (Osmanabad)

कार्यकर्त्यांनी केला जल्लोष

पाटील यांची जिल्हा बँकेवर संचालक म्हणुन बिनविरोध होण्याचा मार्ग मोकळा झाल्याने उमरगा शहरात राष्ट्रीय महामार्ग, शिवाजी चौक व कॉंग्रेस समिती कार्यालयासमोर काँग्रेसच्या कार्यकर्त्यांनी फटाके फोडून जल्लोष केला. एम.ओ. पाटील, विजय दळगडे, संगीताताई कडगंचे, वशीम शेख याकुब लदाफ, परमेश्वर टोपगे, कुमार पवार, सोहेल इनामदार, खालिद शेख, आयुब जमादार, जीवन सरपे, सुभाष घोडके, प्रदीप गिरीबा आदी कार्यकर्ते उपस्थित होते.

हेही वाचा: शाळांची घंटा पुन्हा वाजली ! विद्यार्थी शिकण्यासाठी सज्ज

जिल्हा बँकेवर संचालक म्हणून काम करताना नेहमीच शेतकरी, सभासद व कर्जदार यांचे विविध प्रश्न सोडवण्यासाठी व बँकेला गतवैभव प्राप्त करून देण्यासाठी प्रयत्न केला आहे. यापुढेही आम्ही सकारात्मक प्रयत्न करू.

- बापुराव पाटील, संचालक

Web Title: Bapurao Patil Elected As Director Of Osmanabad District Cooperative Bank But Official Announcement Still Not

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top