बाबा आढाव म्हणतात, संविधान तत्व धोक्यात

लातूर : संविधानातील मूल्ये प्रत्यक्षात उतरताना दिसत नाहीत. ती संविधानातच राहत आहेत. त्यामुळे संविधान तत्व सामाजिक-सांस्कृतिक पातळीवर धोक्यात आले आहे. त्यातून राष्ट्राच्या प्रगतीत अडसर निर्माण होत आहे, असे मत ज्येष्ठ सामाजिक कार्यकर्ते डॉ. बाबा आढाव यांनी येथे व्यक्त केले.

हमाल भवन येथे हमाल मापाडी गाडीवान संघटना आणि सामाजिक विकास प्रतिष्ठान यांच्या वतीने कार्यकर्ता अभ्यास शिबिर आयोजित करण्यात आले होते. या वेळी डॉ. आढाव यांनी कार्यकर्त्यांशी मुक्त संवाद साधला. 

संविधानात स्वातंत्र्य, समता, बंधुता, सर्वधर्म समभाव, लोकशाही अशी वेगवेगळी मूल्ये पहायला मिळतात; पण आपण ती प्रत्यक्ष जीवनात स्वीकारत आहोत का, या मूल्यांचे जतन होत आहे का, या मूल्यांचे संस्कार सुरवातीपासूनच मुलांवर केले जात आहेत का, असे प्रश्न उपस्थित करून डॉ. आढाव यांनी घटनेतील तत्वे जीवनात अंमलात आणावीत, अशी अपेक्षा व्यक्त केली.

अरे बाप रे -  औरंगाबादेत आठ जणांचे कुत्र्यांनी तोडले लचके 

देशातील चळवळी जिवंत राहिल्या, तरच येथील न्याय आणि हक्क अबाधित राहील, असे सांगून डॉ. आढाव यांनी सर्व डाव्या विचारांच्या संघटनांनी ८ जानेवारी रोजी पुकारलेल्या राष्ट्रीय संपाला आमचा पाठींबा आहे. काळ्या फिती लावून सर्व श्रमिकांनी काम करत यात सहभाग नोंदवावा, असे आवाहनही केले.

ऐतिहासिक ठेवा - video : बघा यांच्याकडे आहेत 25 हजार ऐतिहासिक नाणी !

या वेळी हमाल मापाडी महामंडळाचे संघटक हर्षवर्धन सवई, उपाध्यक्ष राजकुमार घायाळ, राज्य संघटक गोरख मेंगडे, हुसेन पठाण, रामभाऊ बादाडे उपस्थित होते. राजकुमार रायवाडीकर यांनी सूत्रसंचालन केले. बशिरभाई शेख यांनी आभार मानले.

नव्वदीतही तोच उत्साह

सामाजिक परिवर्तनाच्या चळवळीतील एक महत्वाचे नाव म्हणजे डॉ. बाबा आढाव. त्यांनी नुकतेच वयाच्या नव्वदीत पाऊल ठेवले आहे. वय वाढले असले तरी त्यांचा उत्साह, त्यांची सामाजिक कार्यातील तळमळ अजूनही तशीच आहे. हे या वेळी लातूरकरांना अनुभवता आले. 

गुड न्यूज -  घाटीतील तीन इमारतींच्या वीज जोडणीचा मार्ग मोकळा 

याबाबत ते म्हणाले, ‘‘मी मुळात वैद्यकीय व्यवसायातील माणूस आहे. आहारात काय हवे आणि काय नाही, याची मला आणि माझ्या पत्नीला चांगली माहिती आहे. तेवढे पथ्य पाळतो. सतत लोकांमध्ये रहायला आवडते. त्यातूनही मला एक प्रकारची उर्जा मिळते.’’