तिला होता नवरा, त्यालाही होती बायको... बीड जिल्ह्यात पहाटे उघडकीस आली घटना

Beed News
Beed News

बीड : केज तालुक्यातील विडा येथे प्रेमी युगुलाने गळफास लावून आत्महत्या केल्याची घटना शनिवारी (ता.२५) पहाटेच्या सुमारास उघडकीस आली आहे. विशेष म्हणजे हे दोघेही विवाहित होते. पण त्यांच्यात प्रेमसंबंध होते. त्यातूनच हा प्रकार घडल्याचा अंदाज व्यक्त होत आहे. पण नेमके कारण समजू शकले नाही. 

बीड जिल्ह्यातल्या केज तालुक्यातील विडा येथील बापूराव सिताराम दूनघव (वय ३८) याचे गावातीलच छाया विठ्ठल गायकवाड (वय ३६) या महिलेशी प्रेमसंबंध होते. हे दोघेही विवाहित होते. पोलिसांकडून आणि गावकऱ्यांकडून मिळालेल्या माहितीनुसार, शुक्रवारी (ता. २४) रात्री उशिरा बापूराव दूनघव हा घराबाहेर पडला. पण तो उशिरापर्यंत घरी परत आला नाही.

मात्र शनिवारी पहाटेच्या सुमारास या प्रेमी युगुलाने विडा शिवारातील सोनार शेतात लिंबाच्या झाडाला गळफास लावून आत्महत्या केल्याचे उघडकीस आले. या घटनेची माहिती मिळताच सहाय्यक पोलीस निरीक्षक संतोष मिसळे व पोलीस कर्मचाऱ्यांनी घटनास्थळी जाऊन पंचनामा करून केला. दोन्ही मृतदेह उच्चस्तरीय तपासणीसाठी रूग्णालयात पाठविण्यात आले आहेत. परंतु, या दोघांनी आत्महत्या का केली, याचे कारण काही अद्याप समजू शकले नाही.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com