गेवराई - ट्रान्सफॉर्मरमध्ये बिघाड झाल्याने घरात विज प्रवाह उतरल्याने बीडच्या गेवराईत एका तरुण शेतक-याचा करंट लागल्याने दुर्दैवी मृत्यू झाल्याची घटना आज सकाळी आठ वाजेच्या दरम्यान घडली असून, महावितरणच्या दुर्लक्षामुळे सदरील शेतक-याचा बळी गेल्याचे नागरिकांकडून सांगण्यात आले.
गणेश मोहन तळतकर (वय-३८, रा. बंगाली पिंपळा, ता. गेवराई, जि. बीड) असे या दुर्घटनेत मृत झालेल्या शेतक-याचे नाव आहे. गावातील एका ट्रान्सफॉर्मर (रोहत्र) यावरून काही घराला विज पुरवठा करण्यात येत आहे.
मात्र, मागील काही दिवसापासून ट्रान्सफॉर्मर मध्ये बिघाड झाल्याने या ट्रान्सफॉर्मर वरून होत असलेल्या साधारण आठ ते दहा घरात विज प्रवाह उतरत असल्याने येथील नागरिकांनी महावितरणकडे तक्रार करुन सदरील ट्रान्सफॉर्मरची दुरुस्ती केली नाही.
सोमवारी आज सकाळी पुन्हा घरात विज प्रवाह उतरल्याने आठ ते दहा जणांना करंट लागला. परंतू यात गणेश तळतकर या तरुण शेतक-याचा घरात करंट लागल्याने त्यास तात्काळ बीड जिल्हा रुग्णालयात उपचारार्थ दाखल करण्यात आले असताना उपचार पूर्वीच सदरील शेतक-याचा मृत्यू झाला.
शवविच्छेदन केल्यानंतर मृतदेह नातेवाईक यांच्या ताब्यात देण्यात आला असून, महावितरणच्या हलगर्जी पणामुळे एका निष्पाप शेतक-याचा बळी गेल्याचे बंगाली पिंपळ्यातील ग्रामस्थ संताप व्यक्त करत आहेत. मृत गणेश तळतकर यांच्या पाश्चात्य आई-वडिल, पत्नी, तीन मुली एक मुलगा असा परिवार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.