'भाजपात भ्रष्टाचाऱ्यांचे शुद्धीकरण', माजी आमदार विजय गव्हाणे राष्ट्रवादीत | Vijay Gavhane Join Ncp | Sakal
sakal

बोलून बातमी शोधा

Vijay Gavhane Join NCP In Presence Of Party Supremo Sharad Pawar

'भाजपात भ्रष्टाचाऱ्यांचे शुद्धीकरण', माजी आमदार विजय गव्हाणे राष्ट्रवादीत

परभणी : भारतीय जनता पक्षाचे जिल्ह्यातील नेते तथा माजी आमदार अ‍ॅड. विजय गव्हाणे यांनी गुरुवारी (ता.१३) अधिकृतपणे राष्ट्रवादी काँग्रेस पक्षात (NCP) प्रवेश केला. पक्षाचे राष्ट्रीय अध्यक्ष शरद पवार (Sharad Pawar) यांच्या प्रमुख उपस्थितीत मुंबई येथील राष्ट्रवादी काँग्रेसच्या प्रदेश कार्यालयात हा प्रवेश सोहळा झाला. भाजपमध्ये गेल्या काही वर्षांपासून आपली अवहेलना होत होती. तसेच सध्या (Parbhani Political News) भाजपात भ्रष्टाचारी नेत्यांचे शुध्दीकरण व निष्ठावंतांचे खच्चीकरण सुरु असल्याचा आरोप करीत अॅड.विजय गव्हाणे (Vijay Gavhane) यांनी भाजप सोडून राष्ट्रवादी काँग्रेसमध्ये जाणार असल्याचे मंगळवारी (ता.११) जाहिर केले होते. (Former MLA Vijay Gavhane Quit BJP And Join NCP In Presence Of Sharad Pawar In Mumbai)

हेही वाचा: Mahindra ने 'या' बाईकला दिले नव रुप, भारतात २६ वर्षानंतर होणार लाँच

गेल्या वर्षभरापासून गव्हाणे हे सातत्याने राष्ट्रवादी काँग्रेसच्या वरिष्ठ नेत्यांच्या संपर्कात राहत होते. अखेर त्यांनी गुरुवारी (ता.१३) मुंबईत ज्येष्ठ नेते शरद पवार यांच्या उपस्थितीत राष्ट्रवादी काँग्रेसमध्ये प्रवेश केला. कार्यक्रमास राष्ट्रवादी काँग्रेस पक्षाचे प्रदेशाध्यक्ष जयंत पाटील, जिल्ह्याचे पालकमंत्री नवाब मलिक, राष्ट्रवादी काँग्रेस महिला आघाडीच्या राष्ट्रीय अध्यक्षा खासदार फौजिया खान, आमदार बाबाजानी दुर्राणी आदी उपस्थित होते.

हेही वाचा: भाजपमध्ये गेले तरी मला त्यांची चिंता नव्हती - शरद पवार

भाजपात आपण प्रामाणिकपणेच काम केले. परंतु, पक्षास प्रामाणिक नेते व कार्यकर्त्यांची, निष्ठावानांची किंमत नाही असे सांगत आपण निष्ठेने काम केले. परंतू त्याचे चीज झाले नाही. आता राष्ट्रवादी काँग्रेस पक्षाचे कामही आपण निष्ठेनेच करणार आहोत.

- अॅड. विजय गव्हाणे, माजी आमदार, परभणी

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top