Mahindra ने 'या' बाईकला दिले नव रुप, भारतात २६ वर्षानंतर होणार लाँच | Sakal
sakal

बोलून बातमी शोधा

Yazdi

Mahindra ने 'या' बाईकला दिले नव रुप, भारतात २६ वर्षानंतर होणार लाँच

नवी दिल्ली : महिंद्रा अँड महिंद्राने दुचाकी बनवणाऱ्या जुन्या प्रसिद्ध ब्रँडला नव रुप दिले आहे. जवळपास २६ वर्षानंतर तिची मोटारसायकल भारतात पुन्हा सादर केली जाणार आहे. ती राॅयल एनफिल्डसारख्या (Royal Enfield) मोठ्या ब्रँडला टक्कर देईल. महिंद्रा समुहाच्या क्लासिक लिजेंड्सने (Classic Legends) काही वर्षांपूर्वी जावा मोटारसायकल (Jawa Motorcycle) आणि ब्रिटनच्या बीएसए मोटारसायकलला (BSA Motorcycle) नव संजीवनी दिली होती. आता हिच कंपनी मोटारसायकलची आणखीन एक प्रसिद्ध ब्रँड येझदीला (Yezdi)पुन्हा नव्या रुपात आणत आहे. काही दिवसांपूर्वी आनंद महिंद्रा (Anand Mahindra) यांनी ट्विटवर तिचा टिझर शेअर केला होता. क्लासिक लिजेंड्स जानेवारीत येझ्दी ब्रँडची पहिली बाईक येझ्दी रोडकिंग भारतीय बाजारात लाँच करणार आहे. जवळपास २६ वर्षांपूर्वी १९९६ मध्ये तिची शेवटची युनिटची विक्री झाली होती. या व्यतिरिक्त कंपनी येझदी अॅडव्हेन्चर आणि येझदी स्क्रॅब्लरही सादर करु शकते.(Anand Mahindra Group Owned Lassic Legends To Be Launch Yezdi Bikes)

हेही वाचा: प्रतिक्षा संपली! पहिली इलेक्ट्रिक रिक्षा Mahindra Treo करा खरेदी

येझ्दी रोडकिंगचे वैशिष्ट्ये

Yezdi Roadking मध्ये ३३४ सीसीचे सिंगल सिलिंडर इंजिन होण्याची शक्यता आहे. हे जावा पर्कमध्ये दिसले आहे. हे इंजिन ३० बीएचपीची मॅक्स पाॅवर आणि ३२.७४ एनएमचे पीक टाॅर्क जेनरेट करेल. यात ग्राहकांना ६ स्पीड गिअर बाॅक्स मिळू शकते. इतकेच नाही या मोटारसायकलमध्ये पुढच्या बाजूला २१ इंचाचे स्पोक व्हिल आणि १७ इंचाचे व्हिल मागे असेल. दोन्ही बाजूंनी डिस्क ब्रेकही होईल.

हेही वाचा: HERO चा धमाका! महिन्यात 7 हजारहून अधिक इलेक्‍ट्रिक स्कूटरची विक्री

किंमत किती असेल ?

येझ्दी रोडकिंगची किंमत जवळपास १.६० लाख रुपये असू शकते. दुसरीकडे येझ्दी अॅडव्हेंचरची किंमत २.१० लाख रुपयांपर्यंत कंपनी ठेवू शकते. बाजारात तिची टक्कर राॅयल एनफिल्डच्या अनेक ब्रँडबरोबर असेल विशेषतः हिमालयनशी असू शकते. मात्र हिमालयन ४०० सीसी सेगमेंटची बाईक आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :IndiaAnand Mahindra
loading image
go to top